കണ്ണൂര്: കണ്ണൂരിൽ ഓട്ടത്തിനിടെ കാറിന് തീപിടിച്ചു. ദേശീയ പാതയില് കാല്ടെക്സിലെ ചേംബര് ഹാളിന് മുന്വശത്തു വെച്ചാണ് കാറിന് തീപിടിച്ചത്. ഓടിച്ചിരുന്ന യുവാവ് തലനാരിഴയ്ക്ക് രക്ഷപ്പെട്ടു.(Fire while running; Car burns in Kannur)
വൈകീട്ട് നാലു മണിയോടെയാണ് സംഭവം. കക്കാട് കോര് ജാന് സ്കൂളിനടുത്തുള്ള സര്വീസ് സെന്ററിലേക്ക് തിരിച്ചു പോകുമ്പോഴാണ് അപകടമുണ്ടായത്. സര്വീസിന് കൊണ്ടു വന്ന മാരുതി 800 കാറെടുത്തു പോയി ബാങ്കില് പണമടച്ചു തിരിച്ചു വരുമ്പോഴാണ് കാറില് നിന്നും പുക ഉയര്ന്നതെന്ന് സര്വീസ് സെന്ററിലെ ജീവനക്കാരനായ പുതിയ തെരുസ്വദേശി അര്ജുന് അറിയിച്ചു.
ബോണറ്റിനുള്ളില് പുക ഉയരാന് തുടങ്ങിപ്പോൾ തന്നെ യുവാവ് പുറത്തേക്ക് ഇറങ്ങി. പിന്നാലെ കാര് കത്തിനശിക്കുകയായിരുന്നു. നാട്ടുകാര് വിവരമറിയിച്ചതിനെ തുടര്ന്ന് കണ്ണൂര് ഫയര്ഫോഴ്സെത്തി തീയണക്കുകയായിരുന്നു. കാറിന്റെ സീറ്റും മറ്റു ഭാഗങ്ങളും പൂര്ണമായി കത്തിയമര്ന്നിട്ടുണ്ട്. കണ്ണൂര് ടൗണ് പൊലിസും നാട്ടുകാരും രക്ഷാപ്രവര്ത്തനത്തില് പങ്കെടുത്തു.
