തൊടുപുഴ: തമിഴ് സിനിമ, സീരിയല് നടനും സിപിഎം പ്രവര്ത്തകനുമായ കെ സുബ്രഹ്മണി കുഴഞ്ഞുവീണു മരിച്ചു. 57 വയസ്സായിരുന്നു. തൊടുപുഴയില് നടന്ന സിപിഎം ജില്ലാ സമ്മേളനത്തില് പങ്കെടുത്തു മടങ്ങുന്നതിനിടെയാണ് കുഴഞ്ഞു വീണത്.(Film actor Subrahmani passed away)
അടിമാലിയില് വെച്ചാണ് അദ്ദേഹം കുഴഞ്ഞു വീണത് ഉടന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഹൃദയാഘാതമാണ് മരണകാരണം. മൂന്നാര് ഇക്കാ നഗര് സ്വദേശിയായ സുബ്രഹ്മണി സിപിഎം ഇക്കാനഗര് ബ്രാഞ്ച് മുന് സെക്രട്ടറിയാണ്.
ഹിറ്റ് തമിഴ് സിനിമകളായ മൈന, കഴുക്, കുംകി തുടങ്ങിയവ ഉള്പ്പെടെ ഒട്ടേറെ സിനിമകളില് അഭിനയിച്ചിട്ടുണ്ട്. ചിപ്പി എന്ന തമിഴ് സീരിയലിലും അഭിനയിച്ചിട്ടുണ്ട്. കൂടാതെ മൂന്നാറില് ചിത്രീകരിച്ച വിവിധ മലയാളം, ഹിന്ദി, തമിഴ്, തെലുങ്ക് സിനിമകളുടെ ലൊക്കേഷന് മാനേജരായി പ്രവര്ത്തിച്ചിട്ടുണ്ട്. പാര്വതിയാണ് ഭാര്യ. മക്കൾ: വിദ്യ, വിവേക്
