കൊച്ചി കേന്ദ്രമാക്കി അയർലണ്ടിലേക്ക് വ്യാജ നേഴ്‌സിങ് റിക്രൂട്ട്മെന്റ്; പാവങ്ങളായ നേഴ്‌സുമാരെ പറ്റിച്ച് തട്ടിയെടുത്തത് 7 കോടി രൂപ ; ഒടുവിൽ പിടിയിൽ

അയർലണ്ടിലേക്ക് നഴ്സിംഗ് വിസ നൽകാമെന്ന പേരിൽ കോടികൾ തട്ടിച്ചയാൾ കൊച്ചിയിൽ അറസ്റ്റിലായി. സംസ്ഥാനത്തിന്റെ വിവിധ ഭാഗങ്ങളിൽ നൂറുകണക്കിന് ആളുകളിൽ നിന്നായി 7 കോടിയോളം രൂപയാണ് ഇയാൾ ഇത്തരത്തിൽ തട്ടിയെടുത്തത്. സംഭവത്തിൽ കൊടുങ്ങല്ലൂർ സ്വദേശി സൂരജ് ആണ് പോലീസിൽ കീഴടങ്ങിയത്.
സ്വകാര്യ റിക്രൂട്ടിംഗ് ഏജൻസികൾ വഴിയാണ് ഇയാൾ തട്ടിപ്പ് നടത്തിയിരുന്നത്. അയർലണ്ടിലേക്ക് നഴ്സിംഗ് വിസ ശരിയാക്കിത്തരാം എന്ന വ്യാജന 2 ലക്ഷം മുതൽ 4 ലക്ഷം വരെയാണ് ഒരാളിൽ നിന്നും ഇയാൾ വാങ്ങിയത്. അറസ്റ്റിലായ സൂരജിന് പുറമേ ഡൽഹിയിലുള്ള റിക്രൂട്ടിംഗ് സ്ഥാപനത്തിനെതിരെയും പോലീസ് കേസെടുത്തിട്ടുണ്ട്. കേസിൽ എറണാകുളം സ്വദേശികളായ നീതുരാജ് ബിനു ചാക്കോ എന്നിവരും പ്രതികളാണ്. കീഴടങ്ങുന്നതിന് തൊട്ടുമുൻപ് കുറ്റസമ്മതം നടത്തി സൂരജ് സമൂഹമാധ്യമങ്ങളിൽ വീഡിയോ പങ്കുവെച്ചിരുന്നു.

read also; വീണ്ടും ജീവനെടുത്ത് ടിപ്പറിന്റെ മരണപ്പാച്ചിൽ: കോഴിക്കോട് ജോലികഴിഞ്ഞു വീട്ടിലേക്കുപോയ ബൈക്ക് യാത്രക്കാരന് ടിപ്പറിടിച്ച് ദാരുണാന്ത്യം