തണ്ണിമത്തനടിയിൽ ഒളിപ്പിച്ച് സ്ഫോടക വസ്തുക്കൾ കടത്താൻ ശ്രമം; ഇടനിലക്കാരൻ അറസ്റ്റിൽ
പാലക്കാട്: തമിഴ്നാട്ടിലെ ധർമപുരിയിൽ നിന്ന് തണ്ണിമത്തനടിയിൽ ഒളിപ്പിച്ച നിലയിൽ വൻ സ്ഫോടക വസ്തുശേഖരം കേരളത്തിലേക്ക് കടത്താൻ ശ്രമിച്ച കേസിൽ ഇടനിലക്കാരനെ പൊലീസ് അറസ്റ്റ് ചെയ്തു.
ഇടനിലക്കാരൻ പനീർശെൽവം പിടിയിൽ
തമിഴ്നാട് സ്വദേശി പനീർശെൽവത്തെയാണ് പാലക്കാട് ടൗൺ സൗത്ത് പൊലീസ് പിടികൂടിയത്. ഇതോടെ കേസിൽ അറസ്റ്റിലായവരുടെ എണ്ണം മൂന്നായി.
മക്കയിലെ കർമ്മങ്ങൾ പൂർത്തിയാക്കി മദീനയിൽ എത്തിയ മലയാളി വനിത മരിച്ചു
മിനി ലോറി പിടികൂടിയത് ദേശീയപാതയിൽ
ഇക്കഴിഞ്ഞ ബുധനാഴ്ച രാത്രി വാളയാർ–വടക്കാഞ്ചേരി ദേശീയപാതയിൽ വെച്ചാണ് തണ്ണിമത്തനടിയിൽ ഒളിപ്പിച്ച സ്ഫോടക വസ്തുക്കളുമായെത്തിയ മിനി ലോറി പൊലീസ് പിടികൂടിയത്.
അന്നുതന്നെ മിനി ലോറി ഡ്രൈവർ സെന്തിൽകുമാറിനെയും പിന്നാലെ അകമ്പടിയായി വന്ന കാർ ഡ്രൈവർ ദുരൈരാജിനെയും അറസ്റ്റ് ചെയ്തു.
കസ്റ്റഡി ചോദ്യം ചെയ്യലിൽ നിന്നാണ് പുതിയ അറസ്റ്റ്
റിമാൻഡിൽ കഴിയുന്ന സെന്തിൽകുമാറിനെ അന്വേഷണ സംഘം കസ്റ്റഡിയിൽ വാങ്ങി ചോദ്യം ചെയ്തപ്പോഴാണ് ഇടനിലക്കാരനെ കുറിച്ച് നിർണായക വിവരം ലഭിച്ചത്.
തുടർന്ന് ഇൻസ്പെക്ടർ എസ്. വിപിൻകുമാറിന്റെ നേതൃത്വത്തിലുള്ള സംഘം തമിഴ്നാട് തിരുവണ്ണാമലയിൽ നിന്ന് പനീർശെൽവത്തെ കസ്റ്റഡിയിലെടുത്തു.
സ്ഫോടക വസ്തുക്കൾ ലക്ഷ്യമിട്ടത് എവിടേക്ക്?
പിടിയിലായവരെ ചോദ്യം ചെയ്തെങ്കിലും സ്ഫോടക വസ്തുക്കൾ എങ്ങോട്ടാണ് കൊണ്ടുപോകാനിരുന്നതെന്ന കാര്യത്തിൽ വ്യക്തത ലഭിച്ചിട്ടില്ല.
തൃശൂർ ജില്ലയിലേക്കാണ് ഇവ എത്തിക്കാൻ പദ്ധതിയിട്ടിരുന്നതെന്ന സൂചന പൊലീസിന് ലഭിച്ചിട്ടുണ്ട്.
കൂടുതൽ അന്വേഷണം തുടരുന്നു
ഇന്നലെ അറസ്റ്റിലായ ദുരൈരാജിനെ വിശദമായി ചോദ്യം ചെയ്യുന്നതിനായി അന്വേഷണ സംഘം കസ്റ്റഡി അപേക്ഷ നൽകുമെന്നും പൊലീസ് അറിയിച്ചു.
English Summary:
Police in Palakkad arrested an intermediary in a major explosives smuggling case after officials found a large stock hidden under watermelons in a mini lorry travelling from Dharmapuri, Tamil Nadu, into Kerala. The accused, Paneerselvam, came into custody from Tiruvannamalai, which brought the total number of arrests to three. Earlier, police had already detained the lorry driver Senthilkumar and the escort car driver Durairaj. Meanwhile, investigators still have not confirmed the final destination of the explosives; however, initial leads point to Thrissur district. Authorities continue questioning the suspects, and the investigation remains underway.
