യു.എസ്. പ്രസിഡന്റ് തിരഞ്ഞെടുപ്പ് പ്രചരണത്തിൽ മോശം പ്രകടനം കാഴ്ച്ചവെച്ചതോടെ ജോ ബൈഡനെ കൈവിട്ട് ഡെമോക്രാറ്റുകൾ. ബൈഡന് പിന്മാറണമെന്നാണ് ഡെമോക്രാറ്റ് പാർട്ടിയിൽ നിന്നും ഉയർന്നു വന്നിരിക്കുന്ന ആവശ്യം. (Even his own party is giving up on Biden; Will Kamala come to face Trump)
ബൈഡന് പാർക്കിൻസൺ രോഗമാണെന്നും ആരോഗ്യ നിലയിൽ വലിയ പ്രശ്‌നങ്ങളുണ്ടെന്നും അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തിരുന്നു. പാർക്കിൻസൺ രോഗത്തിന് ചികിത്സ നൽകുന്ന ആരോഗ്യ വിദഗ്ദ്ധൻ കഴിഞ്ഞ ഒരു വർഷത്തിനിടെ 10 തവണ വൈറ്റ് ഹൗസ് സന്ദർശിച്ചെന്നും സൂചനകളുണ്ട്.
എന്നാൽ പതിവ് പരിശോധനകൾ മാത്രമാണിതെന്നാണ് വൈറ്റ് ഹൗസ് പ്രതികരിച്ചിരിക്കുന്നത്. എന്നാൽ ദൈവം പറഞ്ഞാൽ മാത്രമേ പിന്മാറൂ എന്നാണ് ബൈഡൻ പറയുന്നത്. ബൈഡനെ മാറ്റി പകരം കമലാ ഹാരിസിനെ മത്സരിപ്പിക്കണമെന്നാണ് ഡെമോക്രാറ്റുകൾക്കിടയിൽ നിന്നും ഉയരുന്ന ആവശ്യം.
ട്രംപുമായുള്ള ഡിബേറ്റിൽ പിന്നോട്ടു പോയതോടെയാണ് ബൈഡന് തിരഞ്ഞെടുപ്പിൽ തിരിച്ചടി തുടങ്ങിയത്.
