ഹെയ്ലി ഗബ്ബി അഗ്നിപർവത സ്ഫോടനം: ഇന്ത്യൻ വിമാനങ്ങൾക്ക് ഡി.ജി.സി.എ ജാഗ്രതാ നിർദ്ദേശം

ഹെയ്ലി ഗബ്ബി അഗ്നിപർവത സ്ഫോടനം: ഇന്ത്യൻ വിമാനങ്ങൾക്ക് ഡി.ജി.സി.എ ജാഗ്രതാ നിർദ്ദേശം

ഡല്‍ഹി: എത്യോപ്യയിൽ 12,000 വർഷമായി നിർജീവമായിരുന്ന ഹെയ്ലി ഗബ്ബി അഗ്നിപർവതം പൊട്ടിത്തെറിച്ചു.

വടക്കൻ എത്യോപ്യയിലെ ജനവാസമില്ലാത്ത പ്രദേശത്ത് സംഭവിച്ചതിനാൽ ആൾനാശമില്ല.

എന്നാൽ അഗ്നിപർവത ചാരവും പുകയും കിലോമീറ്ററുകൾ ഉയരത്തിലും ദൂരത്തിലും പരക്കുകയാണ്. ഇത് വിമാന ഗതാഗതത്തെ ഗുരുതരമായി ബാധിക്കാനുള്ള സാധ്യത ഉയർത്തുന്നു.

ബംഗളൂരുവിൽ നിന്നെത്തിയ യുവാക്കളുടെ കൈയിൽ വാട്ടർ ഹീറ്റർ; അഴിച്ചപ്പോൾ എംഡിഎംഎയും എൽഎസ്ഡിയും—കോഴിക്കോട്ടിൽ ഡാൻസാഫിന്റെ വൻ ലഹരിവേട്ട

ഏഷ്യയും ഇന്ത്യയും ഉൾപ്പെടെ വ്യോമ ഗതാഗതത്തിന് പ്രത്യാഘാതം

അഗ്നിപർവത ചാരവും പുകയും വിമാന എഞ്ചിനുകൾക്ക് വലിയ നാശം ഉണ്ടാക്കാൻ സാധ്യതയുള്ളതിനാൽ, ഏഷ്യൻ വ്യോമ പാതകളിലെ സർവീസുകൾക്ക് തടസ്സങ്ങള്‍ പ്രതീക്ഷിക്കുന്നു.

ഇന്ത്യയിൽ നിന്ന് പുറപ്പെടുന്ന വിമാനങ്ങൾക്ക് പ്രത്യേക ജാഗ്രത നിർദേശിച്ച് ഡി.ജി.സി.എ (DGCA) സർക്കുലർ പുറത്തിറക്കി.

ഡി.ജി.സി.എയുടെ നിർദേശം:

• പ്രശ്നമേഖലയായി തിരിച്ചറിഞ്ഞ വ്യോമപാതകൾ ഒഴിവാക്കണം
• ഫ്ലൈറ്റ് പ്ലാനിംഗ്, റൂട്ടിംഗ്, ഇന്ധനം എന്നിവയിൽ മാറ്റങ്ങൾ വരുത്തണം
• ചാരമേഖലയും നിശ്ചിത ഉയരത്തിലുളള പാതകളും കർശനമായി ഒഴിവാക്കണം

വിമാന റദ്ദാക്കലുകളും മാറ്റങ്ങളും

ചാരമേഘത്തിന്റെ വ്യാപനത്തെ തുടർന്ന് ഡല്‍ഹിയിൽ നിന്ന് ആംസ്റ്റർഡാമിലേക്കും ആംസ്റ്റർഡാമിൽ നിന്ന് ഡല്‍ഹിയിലേക്കുമുള്ള രണ്ട് അന്താരാഷ്ട്ര വിമാനങ്ങൾ താൽക്കാലികമായി റദ്ദാക്കി.

കൊച്ചിയിൽ നിന്ന് ദുബായിലേക്കുള്ള ഇൻഡിഗോ വിമാനവും, ജിദ്ദയിലേക്കുള്ള ആകാശ് എയർ സർവീസും റദ്ദാക്കിയിട്ടുണ്ട്.

ചൊവ്വാഴ്ച പകരം സർവീസ് ഏർപ്പെടുത്തുമെന്ന് ഇൻഡിഗോ അറിയിച്ചു. എന്നാൽ ആകാശ് എയർ പുനക്രമീകരണം എങ്ങനെ നടത്തുമെന്ന് ഇതുവരെ വ്യക്തമാക്കിയിട്ടില്ല.

വിമാനം റദ്ദായതോടെ ഉംറ തീർത്ഥാടകർ അടക്കം നിരവധി പേർ വിമാനത്താവളങ്ങളിൽ കുടുങ്ങി.

അഗ്നിപർവത ചാരം വ്യാപിക്കുന്നത് ആശങ്ക ഉയർത്തുന്നു

വടക്കൻ എത്യോപ്യയിലെ ഹെയ്ലി ഗുബ്ബിയിൽ ഞായറാഴ്ചയാണ് സ്ഫോടനം നടന്നത്.

പുകയും ചാരവും ചെങ്കടൽ കടന്ന് യെമൻ, ഒമാൻ പ്രദേശങ്ങളിലേക്ക് എത്തിയിട്ടുണ്ട്.

ചാരമേഘം ഇന്ത്യയിലെ ചില ഭാഗങ്ങളിലേക്കും എത്താൻ സാധ്യതയുണ്ടെന്ന് മുന്നറിയിപ്പ്.

ചാര ഭീഷണിയെത്തുടർന്ന് വിമാനസുരക്ഷാ നിർദേശം ശക്തമാക്കി ഡിജിസിഎ

വിമാന എന്‍ജിന്‍ പ്രവര്‍ത്തനത്തിലെ അനിയന്ത്രിത ശബ്ദം, അപാകത, ക്യാബിനിൽ പുക, ദുർഗന്ധം എന്നിവ ഉള്‍പ്പെടെ ഏതു അസാധാരണ സാഹചര്യമുണ്ടായാലും ഉടൻ റിപ്പോർട്ട് ചെയ്യണമെന്ന് വിമാനക്കമ്പനികൾക്ക് നിർദേശം നൽകിയതായി വ്യോമയാന നിയന്ത്രണ ഏജൻസി അറിയിച്ചു.

അഗ്നിപർവത ചാരമേഘം വിമാനത്താവള പ്രവർത്തനങ്ങളെ ബാധിക്കുന്ന പക്ഷത്തിൽ, ബന്ധപ്പെട്ട ഓപ്പറേറ്റർമാർ റൺവേ, ടാക്സിവേ, അപ്രോൺ മേഖലകൾ ഉടൻ പരിശോധനയ്ക്ക് വിധേയമാക്കണം എന്നും നിർദേശിച്ചു.

English Summary:

A major volcanic eruption occurred in Ethiopia’s Haile Gubbi region after 12,000 years of dormancy. Though the area is uninhabited, the ash cloud rising several kilometers high is expected to severely affect Asian air traffic. DGCA issued safety advisories for flights originating from India. Several flights including Delhi–Amsterdam and Kochi–Dubai routes have been cancelled, leaving many passengers stranded. The ash plume has spread across the Red Sea toward Yemen and Oman and may reach parts of India.