സി.ഇ.ഐ.ആർ എന്ന ‘പാര’: കള്ളന്മാരുടെ ഉറക്കം കളയാൻ വന്ന പുതിയ ഐറ്റം
എറണാകുളം റൂറൽ ജില്ലാ പോലീസ്: പത്ത് ദിവസത്തിനിടെ നഷ്ടപ്പെട്ട 224 മൊബൈൽ ഫോണുകൾ കണ്ടെത്തി തിരികെ നൽകി.
എറണാകുളം റൂറൽ ജില്ലാ പോലീസിന്റെ നേതൃത്വത്തിൽ കഴിഞ്ഞ പത്ത് ദിവസമായി നടത്തിവരുന്ന പ്രത്യേക അന്വേഷണത്തിനിടെ നഷ്ടപ്പെട്ട 224 മൊബൈൽ ഫോണുകൾ കണ്ടെത്തി പരാതിക്കാർക്ക് തിരികെ നൽകി.
‘ലോസ്റ്റ് മൊബൈൽ ഡിറ്റക്ഷൻ റെയ്ഡ്’ എന്ന പ്രത്യേക ഓപ്പറേഷന്റെ ഭാഗമായാണ് ഫോണുകൾ കണ്ടെത്തിയത്.
വിവിധ പോലീസ് സ്റ്റേഷൻ പരിധികളിൽ നിന്നായി നിരവധി പരാതികൾ പരിശോധിച്ച ശേഷമാണ് ഈ വീണ്ടെടുപ്പ് സാധ്യമായത്.
കൂടുതൽ മൊബൈൽ ഫോണുകൾ കണ്ടെത്തിയിരിക്കുന്നത് നോർത്ത് പറവൂർ മേഖലയിൽ നിന്നാണ് – 27 എണ്ണം. ആലുവയിൽ നിന്ന് 18 ഫോണുകളും, മൂവാറ്റുപുഴയിൽ നിന്ന് 17 ഫോണുകളും കണ്ടെത്തി.
ഞാറയ്ക്കൽ, പെരുമ്പാവൂർ മേഖലകളിൽ നിന്നായി 13 വീതം ഫോണുകളും വീണ്ടെടുത്തു.
ടെലികോം വകുപ്പിന്റെ സി.ഇ.ഐ.ആർ (CEIR – Central Equipment Identity Register) പോർട്ടലുമായി സഹകരിച്ച് നടത്തിയ അന്വേഷണത്തിലൂടെയാണ് ഇത്രയും മൊബൈൽ ഫോണുകൾ കണ്ടെത്താൻ സാധിച്ചതെന്ന് പോലീസ് അറിയിച്ചു.
നഷ്ടപ്പെട്ട മൊബൈൽ ഫോണുകൾ കണ്ടെത്തുന്നതിനുള്ള പ്രത്യേക റെയ്ഡ് തുടരുമെന്നും എറണാകുളം റൂറൽ ജില്ലാ പോലീസ് വ്യക്തമാക്കി.
English Summary
Ernakulam Rural Police recovered and returned 224 lost mobile phones to their owners during a special drive conducted over the past ten days. The recovery was carried out through a “Lost Mobile Detection Raid” in coordination with the telecom department’s CEIR portal. The highest number of phones were traced in North Paravur (27), followed by Aluva (18), Muvattupuzha (17), and Njarakkal and Perumbavoor (13 each). Police said the operation will continue.
ernakulam-rural-police-recover-224-lost-mobile-phones-ceir-drive
Ernakulam Rural Police, lost mobile phones recovery, CEIR portal, Kerala police operation, mobile phone detection raid, North Paravur, Aluva, Muvattupuzha
