കൊച്ചി: ബസിന്റെ പെര്മിറ്റ് പുതുക്കുന്നതിന് കൈക്കൂലി ആവശ്യപ്പെട്ട എറണാകുളം ആര്ടിഒ പിടിയിൽ.
എറണാകുളം ആര്ടിഒ ഓഫിസില് വിജിലന്സ് റെയ്ഡ് നടത്തിയ ശേഷമാണ് കസ്റ്റഡിയിൽ എടുത്തത്. ബസിന്റെ പെര്മിറ്റുമായി ബന്ധപ്പെട്ട് ആര്ടിഒ പണം ആവശ്യപ്പെട്ടെന്നാണ് വായി.
കൈക്കൂലി വാങ്ങാനെത്തിയ ഏജന്റ് സജിയേയും വിജിലൻസ് കസ്റ്റഡിയിലെടുത്തിട്ടുണ്ട്. ആര്ടിഒയുടെ ഇടപ്പള്ളിയിലെ വീട്ടിലും പരിശോധന നടന്നിരുന്നു.
ബസിന് പെര്മിറ്റ് അനുവദിക്കാന് ബസുടമയോട് മദ്യവും പണവും ആര്ടിഒ ആവശ്യപ്പെട്ടെന്ന് വിജിലൻസ്പരിശോധനയില് കണ്ടെത്തി.
പെര്മിറ്റിന്റെ പേപ്പര് നല്കാന് വന്ന പരാതിക്കാരൻ പണവും മുന്തിയ ഇനം മദ്യവും കൊണ്ടുവന്നിരുന്നു. ഇത് ഒരു ഏജന്റിന് നല്കാനാണ് ആവശ്യപ്പെട്ടിരുന്നത്.
പണം വാങ്ങുന്നതിനിടെയാണ് ഏജന്റിനെ കസ്റ്റഡിയിലെടുത്തത്.ഇയാളിൽ നിന്നും രണ്ട് മദ്യക്കുപ്പികളും കണ്ടെടുത്തിട്ടുണ്ട്. ആര്ടിഒയുടെ അറസ്റ്റ് രേഖപ്പെടുത്തിയേക്കുമെന്നാണ് വിവരം
