പട്ടാപ്പകൽ മാറിടത്തിൽ കയറിപ്പിടിച്ചു; സംഭവം എറണാകുളം റെയിൽവെ സ്റ്റേഷനിൽ
എറണാകുളം റെയിൽവെ സ്റ്റേഷനിൽ യുവതിയെ ലൈംഗികമായി പീഡിപ്പിക്കാൻ ശ്രമിച്ച സംഭവത്തെ കുറിച്ച് കണ്ടൻറ് ക്രിയേറ്റർ ധനശ്രീ സോഷ്യൽ മീഡിയയിൽ വെളിപ്പെടുത്തിയ വീഡിയോ വലിയ ശ്രദ്ധ നേടുന്നു.
പ്ലാറ്റ്ഫോമിൽ നിന്ന് ട്രെയിനിലേക്കു കയറാൻ കാത്തുനിൽക്കുമ്പോഴാണ് തനിക്കു നേരെ അക്രമം നടന്നത് എന്ന് ധൻശ്രീ പറയുന്നു.
വൈകുന്നേരം 3.30ഓടെ ട്രെയിനിൽ നിന്നിറങ്ങുന്ന യാത്രക്കാരെ കാത്തുനിൽക്കുന്നതിനിടെ, ഒരു പുരുഷൻ തന്റെ മാറിടത്തിലേക്ക് കൈവച്ചതായി ധനശ്രീ വീഡിയോയിൽ വിവരിക്കുന്നു.
സംഭവസമയത്ത് വലിയ തിരക്കൊന്നും ഉണ്ടായിരുന്നില്ലെന്നും, ആൾ വന്നതും തനിക്കു നേരെ കൈവച്ചതും ഒരേ സമയത്താണെന്നും അവർ പറഞ്ഞു.
താൻ ഉടൻ തന്നെ പ്രതിയുടെ കൈ പിടിച്ചുവെച്ച് ചോദ്യം ചെയ്തതായും, ആദ്യം ഒന്നും പറയാതെ നിന്ന പ്രതി ‘ഇല്ലാ, ഇല്ലാ’ എന്ന് ആവർത്തിക്കാൻ തുടങ്ങിയതായും അവർ പറയുന്നു.
പ്രതിയെ വീഡിയോയിൽ പകർത്താൻ ശ്രമിക്കുമ്പോൾ ഫോൺ തട്ടി വീഴ്ത്തി ഓടിയതായും, നാട്ടുകാർ ചേർന്ന് ഇയാളെ പിടിച്ചുവെച്ചതായും ധനശ്രീ വിശദീകരിച്ചു.
പരാതി നൽകിയതിനിടെ പ്രതി “എനിക്കൊക്കെ കുടുംബമുണ്ട്, ഭാര്യയുണ്ട്, മകളും അമ്മയും സഹോദരിയും ഉണ്ട്” എന്നിങ്ങനെ പറഞ്ഞ് തന്റെ നിലപാട് മാറ്റാൻ ശ്രമിച്ചതായും അവർ പറഞ്ഞു.
എന്നാൽ, തെറ്റു ചെയ്തിട്ടും ശിക്ഷിക്കപ്പെടാതിരിക്കാൻ ശ്രമിക്കുന്ന മനോഭാവമാണ് കൂടുതൽ വേദനിപ്പിച്ചതെന്ന് ധൻശ്രീ കൂട്ടിച്ചേർത്തു.
ജേഴ്സി ധരിച്ച അവസ്ഥയിൽ നട്ടുച്ചക്കാണ് സംഭവം നടന്നതെന്നും, “ഇന്ന് അയാളെ വിട്ടാൽ, ആ കുറ്റബോധം എന്നെ വിട്ടേക്കില്ല” എന്നുമായിരുന്നു അവരുടെ മറുപടി. പ്രതിക്കെതിരെ എഫ്.ഐ.ആർ രജിസ്റ്റർ ചെയ്തുകഴിഞ്ഞതായി അവർ അറിയിച്ചു.
“ശബ്ദം ഉയർത്തിയതിൽ എനിക്ക് അഭിമാനം ഉണ്ട്. മിണ്ടാതെ പോയിരുന്നെങ്കിൽ അതിന്റെ കുറ്റബോധം ജീവിതമൊട്ടാകെ എന്നെ പിന്തുടർന്നേനെ,” എന്നാണ് ധനശ്രീയുടെ പ്രതികരണം.
English Summary
Content creator Dhanshree has revealed through an Instagram video that she was sexually harassed at the Ernakulam Railway Station in broad daylight. While waiting to board the train around 3:30 pm, a man allegedly groped her chest. She immediately confronted him, shouted for help, and local people managed to catch the man as he tried to flee.
Dhanshree said that although she captured the incident on video, she avoided showing the man’s face to protect his innocent family from public humiliation. She filed an FIR, stating that staying silent would have left her with lifelong guilt. She expressed pride in raising her voice and urged others to do the same.
erankulam-railway-station-harassment-dhanshree-video
Ernakulam, Railway Station, Harassment, Dhanshree, Social Media, Woman Safety, Kerala
