ഇലോൺ മസ്‌കിന്‍റെ നൂതന സംരംഭമായ ന്യൂറാലിങ്ക് നിര്‍മ്മിച്ച ബ്രെയിൻ ചിപ്പ് തലച്ചോറില്‍ ഘടിപ്പിച്ചയാള്‍ സുഖം പ്രാപിച്ചുവരുന്നതാണ് റിപ്പോർട്ട്. തന്റെ, ബ്രെയിൻ-ചിപ്പ് സ്‌റ്റാർട്ടപ്പിൽ നിന്ന് ആദ്യമായി അത് സ്‌ഥാപിക്കപ്പെട്ടയാള്‍ സുഖം പ്രാപിച്ചുവരുന്നതായാണ് ഇലോൺ മസ്‌ക് തന്റെ എക്‌സ് പേജിലൂടെ അറിയിച്ചത്. തന്റെ ന്യൂറാലിങ്ക് ഉത്പന്നത്തിന് ടെലിപ്പതി എന്ന് പേരിട്ടതായും മസ്‌ക് അറിയിച്ചു. “ഇന്നലെ ന്യൂറാലിങ്കില്‍ നിന്ന് ആദ്യമായി ഒരു മനുഷ്യന് ഇംപ്ലാൻ്റ് നൽകി. അയാള്‍ സുഖം പ്രാപിക്കുന്നു. പ്രാരംഭ ഫലങ്ങൾ ന്യൂറോൺ സ്പൈക്ക് (തലച്ചോറിൽ നിന്നുള്ള തരംഗങ്ങൾ) കണ്ടെത്തുന്നതില്‍ വിജയസാധ്യത കാണിക്കുന്നു” – മസ്‌ക് എക്‌സിൽ കുറിച്ചു. പ്ലാന്റബിൾ ബ്രെയിൻ-മെഷീൻ ഇന്റർഫേസുകൾ (ബി‌എം‌ഐ) വികസിപ്പിച്ചെടുക്കുന്ന എലോൺ മസ്‌കും മറ്റുള്ളവരും ചേർന്ന് സ്ഥാപിച്ച ഒരു അമേരിക്കൻ ന്യൂറോ ടെക്നോളജി കമ്പനിയാണ് ന്യൂറലിങ്ക് കോർപ്പറേഷൻ.
Also read: പേഴ്സിൽ ഒരിക്കലും സൂക്ഷിക്കരുത് ഈ 8 സാധനങ്ങൾ : ദാരിദ്ര്യവും ധനനഷ്ടവും വിട്ടുമാറില്ല
