ടൈം മാഗസിന്റെ കവർ പേജിൽ ശതകോടീശ്വരനായ സംരംഭകനായ ഇലോൺ മസ്ക് പ്രത്യക്ഷപ്പെട്ടതിനെ തുടർന്ന് വീണ്ടും ചർച്ചാവിഷയമാകുന്നു.
അമേരിക്കൻ പ്രസിഡന്റ് എന്ന നിലയിൽ റെസല്യൂട്ട് ഡെസ്കിന് പിന്നിൽ മസ്ക് ഇരിക്കുന്ന ചിത്രമാണ് ടൈം മാഗസിൻ കവറിൽ ഉൾപ്പെടുത്തിയിരിക്കുന്നത്.
ശ്രദ്ധേയമായ കവറുകൾ ഉൾപ്പെടുത്തിയതിന് ചരിത്രപരമായി അറിയപ്പെടുന്ന ടൈമിന്റെ പുതിയ പതിപ്പ്, ആഗോളതലത്തിൽ ചർച്ചയായി. യുഎസ് പ്രസിഡന്റ് ഡൊണാൾഡ് ട്രംപ്, ഫെഡറൽ ചെലവുകൾ കുറയ്ക്കുന്നതിനുള്ള ചുമതലയുള്ള ഗവൺമെന്റ് കാര്യക്ഷമതാ വകുപ്പിനെ (DOGE) നയിക്കാൻ എലോൺ മസ്കിനെ നിയമിച്ചതോടെയാണ് പുറത്തിറങ്ങുന്നത്.
റിസല്യൂട്ട് ഡെസ്കിന് പിന്നിലിരിക്കുന്ന മസ്ക് മാഗസിന്റെ കവറിൽ പ്രത്യക്ഷപ്പെടുന്നതിനെക്കുറിച്ച് ഒരു റിപ്പോർട്ടർ ചോദിച്ചപ്പോൾ പ്രസിഡന്റ് ട്രംപ് മാഗസിന്റെ കവറിനെ പരിഹസിക്കുകയാണ് ചെയ്തത്. മാഗസിൻ “ഇപ്പോഴും ബിസിനസ്സിലാണോ” എന്ന് ചോദിച്ച ട്രംപ്, മാസികയുടെ ഏറ്റവും പുതിയ ലക്കം താൻ കണ്ടിട്ടില്ലെന്ന് അവകാശപ്പെട്ടു.
2024 ലെ യുഎസ് പ്രസിഡന്റ് തിരഞ്ഞെടുപ്പിൽ വിജയിച്ചതിന് ശേഷം ടൈം മാസിക 2024 ലെ പേഴ്സൺ ഓഫ് ദി ഇയർ ആയി തന്നെ തിരഞ്ഞെടുത്തുവെന്ന് ട്രംപ് വീമ്പിളക്കിയിരുന്നു. ഈ സമയത്താണ് ടൈം മാഗസിന്റെ കവറിൽ ട്രംപിനെതിരെയുള്ള വിമർശനം ചർച്ചയാവുന്നത്.
2016-ൽ യുഎസ് വോട്ടെടുപ്പിൽ ഹിലരി ക്ലിന്റനെ പരാജയപ്പെടുത്തിയപ്പോഴാണ് ട്രംപ് ആദ്യമായി ടൈം മാഗസിന്റെ പേഴ്സൺ ഓഫ് ദ ഇയർ ആയത്.
വിവാദമായ കവറിൽ, റെസല്യൂട്ട് ഡെസ്കിന് പിന്നിൽ, പ്രസിഡന്റിന്റെ ഡെസ്കിനും അമേരിക്കൻ, പ്രസിഡന്റിന്റെ പതാകകൾക്കും ഇടയിൽ കയ്യിൽ കാപ്പിയുമായി ഇരിക്കുന്ന എലോൺ മസ്കിനെയാണ് ടൈം ചിത്രീകരിച്ചിരിക്കുന്നത്.
കവറിന് ചുവന്ന പശ്ചാത്തലവുമുണ്ട്. ടൈം മാഗസിന്റെ കവറിനൊപ്പം സൈമൺ ഷുസ്റ്ററും ബ്രയാൻ ബെന്നറ്റും എഴുതിയ ഒരു ലേഖനവും മാസികയിൽ ഉൾപ്പെടുത്തിയിട്ടുണ്ട്.
