അമേരിക്കയിൽ ന്യുയോർക്ക് നഗരത്തിലും പ്രാന്തപ്രദേശങ്ങളിലും ഭൂമികുലുക്കം അനുഭവപ്പെട്ടു. ഇന്ന് രാവിലെ 10:25 നാണ് ഭൂചലനം അനുഭവപ്പെട്ടത്. സിറ്റിക്കുള്ളിൽ നിന്നും പുറത്തു നിന്നും പലരും ഭൂലനം അനുഭവപ്പെട്ടതായി പറഞ്ഞു.കെട്ടിടങ്ങൾ ചെറുതായി കുലുങ്ങി. 4.8. തീവ്രതയുള്ള ഭൂചലനം ന്യൂജേഴ്‌സിയിലെ ലെബനണിന് താഴെ അഞ്ച് കിലോമീറ്റർ ആഴത്തിൽ രാവിലെ 10:23 നു ഉണ്ടായതായി യുഎസ് ജിയോളജിക്കൽ സർവേ സ്ഥിരീകരിച്ചു. കണക്റ്റിക്കട്ടിലും പെൻസിൽവാനിയയിലും വരെ ഭൂകമ്പത്തിന്റെ പ്രകമ്പനം അനുഭവപ്പെട്ടു. ന്യു യോർക്ക് നഗരത്തിലുടനീളവും, ന്യൂജേഴ്‌സിയിലും ലോംഗ് ഐലൻഡിലും തീവ്രമായ കുലുക്കം അനുഭവപ്പെട്ടതായി ആളുകൾ പറയുന്നു.
ക്വീൻസിലും മറ്റും ആളുകൾ വീടുകൾക്ക് പുറത്തേക്ക് വന്നു. സിറ്റിയിലെ പല ഹോസ്പിറ്റലുകളിലെ സ്റ്റാഫും കുലുക്കം അനുഭവപ്പെട്ടതായി സ്ഥിരീകരിച്ചു. റോക്ക് ലാൻഡ് കൗണ്ടി ണ്ട്, ന്യു ജേഴ്‌സിയിൽ ബെർഗൻ കൗണ്ടി എന്നിവിടങ്ങളിലും ഭൂചലനം അനുഭപ്പെട്ടു. തായ്‌വാനിൽ ഭൂമികുലുക്കം നാശം വിതച്ചിട്ടു ദിവസങ്ങളെ ആയുള്ളു. അതിനിടെ ഇത് ലോകാവസാനത്തിന്റെ സൂചനയാണെന്ന് വരെ ഇന്റർനെറ്റിൽ പ്രചാരണം നടക്കുന്നുണ്ട്.
