മദ്യപിച്ചു ലക്കുകെട്ട വിമാനയാത്രക്കാരന് എയര് ഹോസ്റ്റസിനെ കടിച്ചു. 55 വയസുകാരനായ അമേരിക്കൻ പൗരനാണ് എയര് ഹോസ്റ്റസിനെ കടിച്ചത്. സംഭവം ബഹളമായതോടെ പാതിവഴിയില് വിമാനം തിരികെ പറന്നു. കഴിഞ്ഞദിവസം ടോക്കിയോയില്നിന്ന് അമേരിക്കയിലേക്കു പറക്കുകയായിരുന്ന ഓൾ നിപ്പോൺ എയര്വേയ്സ് വിമാനത്തിലായിരുന്നു സംഭവം. ലാൻഡ് ചെയ്തശേഷം യാത്രക്കാരനെ പോലീസിന് കൈമാറിയെന്ന് വിമാനക്കമ്പനി അറിയിച്ചു. എന്താണ് സംഭവിച്ചതെന്നു തനിക്ക് ഓര്മയില്ലെന്നായിരുന്നു യാത്രക്കാരൻ പറഞ്ഞത്. ഇയാളുടെ ആക്രമണത്തിൽ ജീവനക്കാരിക്ക് ചെറിയതോതിൽ പരിക്കേറ്റു. 159 യാത്രക്കാരായിരുന്നു ഈ വിമാനത്തിലുണ്ടായിരുന്നത്. ജപ്പാനിലെ ഹാനെദ വിമാനത്താവളത്തിൽനിന്നു പുറപ്പെട്ട വിമാനം, സംഭവത്തെത്തുടര്ന്ന് തിരികെ ഇറക്കുകയായിരുന്നു. മൂന്ന് മണിക്കൂറിനുള്ളിൽ വിമാനം ടോക്കിയോയിലെ ഹനേഡ എയർപോർട്ടിലേക്ക് തിരികെ പോയി.
Also read: കിഫ്ബി മസാല ബോണ്ട് കേസ്; തോമസ് ഐസക്കിന് വീണ്ടും ED നോട്ടീസ്; ജനുവരി 22 നു ഹാജരാകണം
