ഭിന്നശേഷി കുട്ടികൾ പഠിക്കുന്ന സ്‌കൂൾ ബസിന്റെ ഡ്രൈവർ മദ്യപിച്ച് അപകടം ഉണ്ടാക്കിയതിന് അറസ്റ്റിലായി. സ്‌കൂളിലെ കുട്ടികളുമായി പോകുന്ന വഴി ബസ്, വഴിയാത്രക്കാരനായ വിദ്യാർഥിയെ തട്ടി.

പത്തനംതിട്ടയിൽ പ്രവർത്തിക്കുന്ന സ്‌കൂളിലെ ബസിന്റെ ഡ്രൈവർ പുത്തൻപീടിക ഇഞ്ചിക്കാട്ടിൽ വീട്ടിൽ ഷിജു പി. ജോണിനെ (48) പോലീസ് അറസ്റ്റ് ചെയ്തു. ഇയാളെ പിന്നീട് ജാമ്യത്തിൽ വിട്ടു. അപകടം നടക്കുമ്പോൾ ഭിന്നശേഷിക്കാരനായ ഒരു കുട്ടി ബസിൽ ഉണ്ടായിരുന്നു. ഇന്നലെ വൈകിട്ട് അഞ്ചരയോടെ മലയാലപ്പുഴ എസ്ബിഐക്ക് സമീപമായിരുന്നു അപകടം.

കുട്ടിയെ ബസ് തട്ടിയതിനെ തുടർന്ന് നാട്ടുകാർ ചേർന്ന് തടഞ്ഞു വയ്ക്കുകയും പോലീസിന് കൈമാറുകയും ചെയ്തു. പോലീസ് പരിശോധനയിലാണ് മദ്യപിച്ചതായി തെളിഞ്ഞത്.

English summary : Drunk driving caused an accident ; The bus driver of Disability school was arrested