പ്രവചിച്ച കാര്യങ്ങളിൽ 90 ശതമാനം പ്രവചനവും യാഥാർത്ഥ്യമാക്കിയ ആളാണ് ബാബ വാംഗ. അതുകൊണ്ടുതന്നെ, ആധുനിക കാലത്തെ നോസ്ട്രഡാമസ് എന്നാണ് ബൾഗേറിയൻ ജ്യോതിഷി ബാബ വാംഗ അറിയപ്പെടുന്നത്. 1996 ൽ അവർ ലോകത്തോട് വിടപറഞ്ഞെങ്കിലും ഇന്നും അവരുടെ പല പ്രവചനങ്ങളും സത്യമായിക്കൊണ്ടിരിക്കുകയാണ്. (Donald Trump’s life is in danger, these 2 tragedies will come; Baba Vanga prophesied)
ഇപ്പോൾ. ഡൊണാൾഡ് ട്രംപിന്റെ ജീവൻ തന്നെ അപകടത്തിലാകുമെന്ന് വാംഗ പ്രവചിച്ചിരുന്നു എന്നുള്ള ചർച്ചകളാണ് സോഷ്യൽ മീഡിയയിൽ നിറയുന്നത്. ഡൊണാൾഡ് ട്രംപിന് വെടിയേറ്റതുമായി ബന്ധപ്പെട്ട വാർത്തകൾ പുറത്തുവരുമ്പോഴാണ് ഈ പ്രവചനത്തിൽ അല്പമെങ്കിലും വിശ്വസിക്കാൻ തോന്നിപ്പോകുക. തിരഞ്ഞെടുപ്പ് പ്രചാരണത്തിനിടെ പെൻസിൽവാനിയയിലെ ബട്ലറിൽ വച്ചാണ് ട്രംപിന് നേരെ വധശ്രമമുണ്ടായത്.
2025ൽ ലോകത്തിന്റെ അവസാനം ആരംഭിക്കുമെന്നാണ് വാംഗ പറയുന്നത്. എന്നാൽ പൂർണമായും ഇല്ലാതാവുക 5079ലായിരിക്കുമെന്നും പ്രവചിക്കുന്നു. ആ വർഷം ഭൂമിയും മനുഷ്യരുമെല്ലാം ഇല്ലാതാകും. അതിലേക്കുള്ള തുടക്കമാകും 2025ൽ സംഭവിക്കുകയെന്നും അവർ പറയുന്നു. സെപ്തംബർ 11ലെ ഭീകരാക്രമണം, ബറാക് ഒബാമയുടെ പ്രസിഡന്റ് പദവി തുടങ്ങി ലോകമഹായുദ്ധങ്ങളെ കുറിച്ചും ബാബ വാംഗ പ്രവചിച്ചിട്ടുണ്ട്. ബാബ വാംഗയുടെ പ്രവചനങ്ങൾ ലോകത്തിന് മുന്നിൽ ചർച്ചാ വിഷയമാണ്.
