കയ്യും കാലും തല്ലിയൊടിക്കും; റവന്യൂ ഉദ്യോഗസ്ഥയെ ഫോണിൽ ഭീഷണിപ്പെടുത്തി ദേവികുളം എംഎൽഎ എ. രാജ
മൂന്നാർ: കയ്യേറ്റം ഒഴിപ്പിക്കൽ നടപടിയെ തുടർന്നുണ്ടായ തർക്കത്തിൽ ദേവികുളം എംഎൽഎ എ. രാജ റവന്യു ഉദ്യോഗസ്ഥയെ ഫോണിൽ ഭീഷണിപ്പെടുത്തിയെന്ന ആരോപണം.
മൂന്നാർ സ്പെഷൽ തഹസിൽദാർ സി.വി. ഗായത്രിയോടാണ് എംഎൽഎ കടുത്ത ഭാഷയിൽ സംസാരിച്ചതെന്നാണ് വിവരം.
സംഭാഷണത്തിനിടെ കീഴിലുള്ള ഉദ്യോഗസ്ഥർ മര്യാദ പാലിക്കില്ലെങ്കിൽ കയ്യും കാലും തല്ലിയൊടിക്കുമെന്ന് മുന്നറിയിപ്പ് നൽകിയതായി ആരോപണമുണ്ട്.
നിയമങ്ങൾ കർശനമായി പാലിച്ചാൽ നാട്ടിൽ കെട്ടിടങ്ങൾ ഉയരില്ലെന്നും എംഎൽഎ പറഞ്ഞതായി അറിയുന്നു.
ഇതിന് മറുപടിയായി തഹസിൽദാർ താൻ നിയമപരമായ നടപടികൾ മാത്രമേ സ്വീകരിക്കുകയുള്ളുവെന്നും, ആരെങ്കിലും അനധികൃതമായി പണം വാങ്ങിയിട്ടുണ്ടെങ്കിൽ വ്യക്തമായ വിവരങ്ങൾ നൽകണമെന്നും പറഞ്ഞു. പുറമ്പോക്ക് കയ്യേറുന്നവർക്കെതിരെയാണ് നടപടി എന്നതും അവർ വ്യക്തമാക്കി.
കെട്ടിടം പൊളിക്കുമെന്ന നടപടിയെ എംഎൽഎ ചോദ്യം ചെയ്തപ്പോൾ, സ്റ്റോപ്പ് മെമ്മോ നൽകിയിട്ടും ചിലർ നിർമാണം തുടരുന്നുവെന്നും അതിന്റെ തെളിവുകൾ തന്റെ കൈവശമുണ്ടെന്നും തഹസിൽദാർ അറിയിച്ചു.
English Summary:
Devikulam MLA A. Raja allegedly threatened a revenue officer over eviction action against encroachments in Munnar. During a phone call, he reportedly warned of violence against officials, while the tahsildar responded that she would act only according to the law and asked for proof of corruption allegations.
devikulam-mla-threatens-revenue-officer-munnar
Devikulam MLA, A Raja, Munnar, Encroachment Eviction, Kerala Politics, Revenue Department, Threat Allegation
