ന്യൂഡല്ഹി: ഡല്ഹി മുഖ്യമന്ത്രിയായി ആംആദ്മി പാര്ട്ടി നേതാവ് അതിഷി മർലേന സത്യപ്രതിജ്ഞ ചെയ്ത് അധികാരമേറ്റു. രാജ് നിവാസിലായിരുന്നു സത്യപ്രതിജ്ഞാ ചടങ്ങ് നടന്നത്. അഞ്ച് എംഎല്എമാരും മന്ത്രിമാരായി സത്യപ്രതിജ്ഞ ചെയ്തു.(Delhi new chief minister atishi marlena)
മദ്യനയക്കേസുമായി ബന്ധപ്പെട്ട് തടവുശിക്ഷ അനുഭവിച്ചതിനെ തുടർന്ന് രാജിവച്ച അരവിന്ദ് കെജ്രിവാളിന് പകരക്കാരിയായാണ് അതിഷി മുഖ്യമന്ത്രി സ്ഥാനത്ത് എത്തുന്നത്. നാളെ കെജ്രിവാൾ ജനത കി അദാലത്ത് എന്ന പേരില് പൊതുപരിപാടി സംഘടിപ്പിക്കും. ഈ മാസം 26, 27 തീയതികളില് ഡല്ഹി നിയമസഭ സമ്മേളനം ചേരാനും തീരുമാനമുണ്ട്. സത്യപ്രതിജ്ഞ ചെയ്യുന്നതോടെ ഡല്ഹിയുടെ എട്ടാമത് മുഖ്യമന്ത്രിയും മൂന്നാമത് വനിതാ മുഖ്യമന്ത്രിയുമായി അതിഷി മാറും.
