രാഹുൽ മാങ്കൂട്ടത്തിലിന് കുരുക്ക് മുറുകുന്നു: ജാമ്യം റദ്ദാക്കാൻ ക്രൈം ബ്രാഞ്ച് കോടതിയിൽ
തിരുവനന്തപുരം: രാഹുൽ മാങ്കൂട്ടത്തിലിനെതിരെയുള്ള രണ്ടാം ബലാത്സംഗ കേസിൽ അനുവദിച്ച ജാമ്യം റദ്ദാക്കണമെന്നാവശ്യപ്പെട്ട് ക്രൈം ബ്രാഞ്ച് കോടതിയെ സമീപിച്ചു.
ജാമ്യ വ്യവസ്ഥകളിലെ അഞ്ചാമത്തെ നിബന്ധനയായ അതിജീവിതയെ സ്വാധീനിക്കരുതെന്ന വ്യവസ്ഥ ലംഘിച്ചതായി ചൂണ്ടിക്കാട്ടിയാണ് ഹർജി നൽകിയത്.
ഫെബ്രുവരി 17-ന് രാഹുൽ അതിജീവിതയെ വാട്സ്ആപ്പ് കോൾ ചെയ്തതായി അന്വേഷണസംഘം കണ്ടെത്തിയതിനെ തുടർന്നാണ് ജാമ്യം റദ്ദാക്കണമെന്ന ആവശ്യം മുന്നോട്ടുവന്നത്. ഇതിന്റെ അടിസ്ഥാനത്തിൽ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി–III രാഹുലിന് നോട്ടീസ് അയച്ചു.
ഈ മാസം 28-നകം രാഹുലോ അദ്ദേഹത്തിന്റെ അഭിഭാഷകനോ കോടതിയിൽ ഹാജരാകണമെന്നാണ് നോട്ടീസിൽ നിർദേശിച്ചിരിക്കുന്നത്.
English Summary
The Crime Branch has approached a court seeking cancellation of bail granted to Rahul Mankootathil in a second rape case, alleging he violated a key bail condition prohibiting contact with the survivor. The move follows an alleged WhatsApp call made by him to the survivor on February 17. The Judicial First Class Magistrate Court III has issued a notice directing Rahul or his lawyer to appear on February 28.
crime-branch-seeks-bail-cancellation-rahul-second-case
Crime Branch, Bail Cancellation, Court Case, Legal News, Kerala Crime, Rahul Case
