മദ്യനയത്തിലെ ബാര് കോഴ വിവാദത്തില് ശബ്ദസന്ദേശം പുറത്തുവന്നത് ക്രൈംബ്രാഞ്ച് അന്വേഷിച്ചേക്കുമെന്ന് റിപ്പോർട്ട്. മന്ത്രി എം ബി രാജേഷിന്റെ പരാതി ക്രൈംബ്രാഞ്ച് എ.ഡിജി.പിക്ക് കൈമാറി എന്നാണ് പുറത്തു വരുന്ന വിവരം. പണപ്പിരിവ് ആരോപണത്തിന് പിന്നിലെ ഗൂഡാലോചന അന്വേഷിക്കണമെന്നായിരുന്നു പരാതിയിലെ ആവശ്യം. അന്വേഷണ രീതി ക്രൈം ബ്രാഞ്ച് മേധാവി തീരുമാനിക്കും.
മദ്യനയ ഇളവില് കോഴ ആവശ്യപ്പെട്ടുകൊണ്ടുള്ള സംഘടനാ വൈസ് പ്രസിഡന്റും ഇടുക്കി ജില്ലാ പ്രസിഡന്റുമായ അനിമോന്റെ ശബ്ദസന്ദേശമാണ് പുറത്ത് വന്നത്. ഇതിന് പിന്നാലെ സര്ക്കാരിന് എതിരെ പ്രതിപക്ഷം രൂക്ഷ വിമര്ശനവുമായി രംഗത്തെത്തിയിരുന്നു. എക്സൈസ് മന്ത്രി രാജിവയ്ക്കണമെന്നാണ് പ്രതിപക്ഷത്തിന്റെ ആവശ്യം.
മദ്യനയ ഇളവില് ബാറുടമകള് രണ്ടര ലക്ഷം രൂപ വീതം നല്കണമെന്നാണ് നിര്ദേശം. രണ്ട് ദിവസത്തിനുള്ളില് പണം നല്കണമെന്നാണ് പുറത്തുവന്ന സന്ദേശത്തില് നിര്ദേശിക്കുന്നത്. സംസ്ഥാന പ്രസിഡന്റിന്റെ നിര്ദേശം അനുസരിച്ചാണ് പണപ്പിരിവെന്നാണ് അനിമോന് പറയുന്നത്. ഡ്രൈഡേ ഒഴിവാക്കാനും മറ്റ് ഇളവുകള്ക്കും കൊടുക്കേണ്ടത് കൊടുക്കണമെന്ന് ശബ്ദസന്ദേശത്തില് പറയുന്നു. ഇത് കൊടുക്കാതെ ആരും സഹായിക്കില്ലെന്നും അനിമോന് ശബ്ദസന്ദേശത്തിൽ വ്യക്തമാക്കുന്നുണ്ട്.
Read More: മുഖ്യപ്രതി സാബിത്തിനെ സഹായിച്ചു; രാജ്യാന്തര അവയവക്കടത്ത് കേസില് ഒരാള് കൂടി പിടിയില്
Read More: എന്തു കഴിക്കും, എങ്ങിനെ വാങ്ങും ? സംസ്ഥാനത്ത് ബീഫിനും ചിക്കനും പിന്നാലെ പച്ചക്കറികൾക്കും തീവില…..
Read More: സൂപ്പർ ഹിറ്റാണ് വാട്ടർ മെട്രോ; ഇനിയും വേണം ബോട്ടുകൾ; എത്ര വന്നാലും വാരി കൂട്ടാം ലാഭം
