മാങ്കൂട്ടത്തിലിന് മാപ്പില്ല; പുകഞ്ഞ കൊള്ളിയെ പുറത്താക്കി പാർട്ടി
തിരുവനന്തപുരം: ബലാത്സംഗക്കേസിൽ പ്രതിയായ എംഎൽഎ രാഹുൽ മാങ്കൂട്ടത്തിനെ കോൺഗ്രസിൽ നിന്ന് പുറത്താക്കി. മുൻകൂർ ജാമ്യാപേക്ഷ കോടതി തള്ളി എന്ന വിവരം പുറത്തുവന്നതോടെയാണ് പാർട്ടി ശക്തമായ നടപടി കൈക്കൊണ്ടത്.
രാഹുലിനെതിരെ കർശന നടപടി ആവശ്യപ്പെട്ട് രമേശ് ചെന്നിത്തല, കെ. മുരളീധരൻ, തിരുവഞ്ചൂർ രാധാകൃഷ്ണൻ എന്നിവർ ഉൾപ്പെടെ നിരവധി മുതിർന്ന നേതാക്കൾ കെപിസിസി നേതൃത്വത്തോട് ശക്തമായി നിലപാട് എടുത്തിരുന്നു.
രാഹുലിനെതിരെ നടപടി എടുക്കാതിരുന്നാൽ തദ്ദേശ തെരഞ്ഞെടുപ്പിൽ പാർട്ടിക്ക് വലിയ തിരിച്ചടിയാണ് വരിക എന്ന് മുൻനിര നേതാക്കൾ മുന്നറിയിപ്പ് നൽകിയിരുന്നു.
കൂടാതെ, കേരള ചുമതലയുള്ള എഐസിസി ജനറൽ സെക്രട്ടറി ദീപാ ദാസ് മുന്ഷിയും രാഹുലിനെതിരെ നടപടിയുടെ ആവശ്യകത ചൂണ്ടിക്കാട്ടി.
രാഹുലിനെതിരെ കൂടുതൽ ഗൗരവമുള്ള ആരോപണങ്ങളാണ് ഉയർന്നിരിക്കുന്നത്. മറ്റൊരു യുവതി കൂടി ലൈംഗിക പീഡന പരാതിയുമായി രംഗത്തു വന്നതോടെയാണ് കോൺഗ്രസിന്റെ തീരുമാനം ശക്തമായത്.
ബംഗളൂരു സ്വദേശിനിയായ യുവതി ദേശീയ നേതൃത്വം ഉൾപ്പെടെ കെപിസിസി പ്രസിഡൻറ് സണ്ണി ജോസഫിനും ഇമെയിൽ വഴി പരാതി നൽകിയിരുന്നു. താൻ നേരിട്ടത് ക്രൂരമായ ലൈംഗിക പീഡനമാണെന്നാണ് യുവതി ആരോപിക്കുന്നത്.
പരാതി ലഭിച്ചതിനെ തുടർന്ന് കെപിസിസി പ്രസിഡന്റ് സണ്ണി ജോസഫ് അതിനെ ഡിജിപിക്ക് കൈമാറി. പരാതിക്കാരി നേരത്തെയും രാഹുലിനെതിരെ ആരോപണമുന്നയിച്ച യുവതിയാണെന്ന സൂചനയും ഉണ്ട്.
2023 സെപ്റ്റംബറിൽ ഇൻസ്റ്റാഗ്രാം വഴി വീണ്ടും പരിചയം പുതുക്കി, തുടർന്ന് ടെലിഗ്രാമിൽ ബന്ധം സ്ഥാപിച്ചതായും യുവതി പറയുന്നു. സംഭവത്തിനുപിന്നിൽ ഗൂഢാലോചനയാണെന്ന് രാഹുൽ തുടർന്നും വാദിക്കുന്നു.
ENGLISH SUMMARY
The Congress has expelled MLA Rahul Mankootathil after the court rejected his anticipatory bail plea in the rape case. Senior Congress leaders, including Ramesh Chennithala, K. Muraleedharan, and Thiruvanchoor Radhakrishnan, strongly demanded strict action, warning that inaction could cost the party heavily in the upcoming local body elections.
Another woman from Bengaluru has come forward with a fresh sexual assault complaint against the MLA, prompting the party to take decisive action. She reportedly emailed her complaint to the AICC leadership and KPCC President Sunny Joseph, alleging brutal sexual exploitation. The KPCC forwarded the complaint to the state DGP. Rahul claims a political conspiracy is behind the allegations.
congress-expels-rahul-mankootathil-after-bail-rejection
Rahul Mankootathil, Congress, Kerala Politics, Sexual Assault Case, KPCC, AICC, Bengaluru Woman Complaint, Political News
