നിമിഷപ്രിയയുടെ പേരില് വ്യാജ പണപ്പിരിവ്; മുഖ്യമന്ത്രിക്ക് പരാതി
ന്യൂഡല്ഹി: യെമനിലെ ജയിലില് കഴിയുന്ന നിമിഷപ്രിയയുടെ പേരില് വ്യാജ പണപ്പിരിവ് നടത്തുന്ന സംഭവത്തില് മുഖ്യമന്ത്രിക്ക് പരാതി. സേവ് നിമിഷപ്രിയ ആക്ഷന് കൗണ്സില് ആണ് നിമിഷപ്രിയക്ക് പരാതി നല്കിയത്.
നിമിഷപ്രിയയുടെ പേരില് പിരിവ് നടത്തുന്ന കെ എ പോളിനെതിരെ കേസെടുക്കണം എന്നാണ് പരാതിയിൽ ആവശ്യപ്പെടുന്നത്.
ആക്ഷന് കൗണ്സില് അംഗവും സുപ്രീം കോടതി അഭിഭാഷകനുമായ അഡ്വ. സുഭാഷ് ചന്ദ്രനാണ് മുഖ്യമന്ത്രിക്ക് പരാതി നല്കിയത്.
വിദേശകാര്യ മന്ത്രാലയത്തിന്റെ അക്കൗണ്ടിലേക്ക് പണം നല്കണമെന്നായിരുന്നു കെ എ പോൾ ആവശ്യപ്പെട്ടത്. എന്നാൽ പണപ്പിരിവ് വ്യാജമാണെന്ന് വിദേശകാര്യ മന്ത്രാലയം വ്യക്തമാക്കിയിരുന്നു.
ഡോ. കെ എ പോള് എന്ന എക്സ് അക്കൗണ്ട് വഴിയാണ് നിമിഷപ്രിയയെ രക്ഷിക്കാന് ഇന്ത്യാ ഗവണ്മെന്റിന്റെ അക്കൗണ്ടിലേക്ക് നേരിട്ട് സംഭാവന ചെയ്യാന് ആവശ്യപ്പെട്ടുളള പോസ്റ്റ് വന്നത്. 8.3 കോടി രൂപ വേണമെന്നാണ് പോസ്റ്റില് ആവശ്യപ്പെട്ടിരുന്നത്.
എന്നാൽ ഇത് വ്യാജ പോസ്റ്റാണെന്നും പണപ്പിരിവ് തട്ടിപ്പാണെന്നും വിദേശകാര്യ മന്ത്രാലയം അറിയിച്ചു.
നിമിഷ പ്രിയയുടെ വധശിക്ഷയ്ക്ക് പുതിയ തിയതി നിശ്ചയിക്കണമെന്ന് ആവശ്യം; അറ്റോർണി ജനറലിനെ കണ്ട് കൊല്ലപ്പെട്ട തലാലിന്റെ സഹോദരൻ
യെമൻ: നിമിഷ പ്രിയയുടെ വധശിക്ഷയ്ക്ക് പുതിയ തിയതി നിശ്ചയിക്കണമെന്ന ആവശ്യം ആവർത്തിച്ച് തലാലിന്റെ സഹോദരൻ അബ്ദുൽ ഫത്താ മെഹദി. ഫേസ്ബുക്ക് പോസ്റ്റിലാണ് ഇക്കാര്യം അറിയിച്ചത്.
നിമിഷ പ്രിയയുടെ വധശിക്ഷ നടപ്പാക്കാൻ പുതിയ തിയതി ആവശ്യപ്പെട്ട് അറ്റോർണി ജനറലിനെ കണ്ടതായി അബ്ദുൽ ഫത്താ മെഹദി വെളിപ്പെടുത്തി. വധശിക്ഷയ്ക്ക് പുതിയ തിയതി നിശ്ചയിക്കണം എന്നാണ് അബ്ദുൽ ഫത്താഹ് മെഹ്ദിയുടെ ആവശ്യം.
വധശിക്ഷ റദ്ദായി എന്നുകാട്ടി നിമിഷപ്രിയയുടെ മോചനം സംബന്ധിച്ച് കേരളത്തിൽ ചർച്ചകൾ സജീവമാകുമ്പോഴാണ് തലാലിന്റെ സഹോദരൻ വീണ്ടും നിലപാട് കടുപ്പിക്കുന്നത്.
വധശിക്ഷയ്ക്ക് പുതിയ തിയതി നിശ്ചയിക്കണമെന്ന് ആവശ്യപ്പെട്ട കത്തിൽ മധ്യസ്ഥ ശ്രമങ്ങൾക്കോ ചർച്ചകൾക്കോ ഉള്ള എല്ലാ ശ്രമങ്ങളെയും തള്ളുന്നുവെന്നും പറഞ്ഞിരുന്നു.
വധശിക്ഷ നീട്ടിവെച്ചിട്ട് ദിവസങ്ങള് പിന്നിട്ടെന്നും പുതിയ തിയതി ഇതുവരെ നിശ്ചയിച്ചിട്ടില്ലെന്നും കാട്ടി അബ്ദുൽ ഫത്താഹ് മെഹ്ദി കഴിഞ്ഞ ദിവസം ആണ് പ്രോസിക്യൂട്ടർക്ക് കത്ത് നല്കിയത്.
2017 ജൂലൈ 25ന് യെമനിൽ നഴ്സായി ജോലി ചെയ്യുന്നതിനിടെ സ്വന്തമായി ക്ലിനിക് തുടങ്ങാൻ സഹായ വാഗ്ദാനവുമായി വന്ന യെമന് പൌരന് തലാൽ അബ്ദുമഹദിയെയാണ് നിമിഷ പ്രിയ കൊലപ്പെടുത്തിയത്.
തലാലിന് അമിത ഡോസ് മരുന്നു കുത്തിവച്ചാണ് കൊലപ്പെടുത്തിയത്. തുടര്ന്ന് മൃതദേഹം വീടിനുമുകളിലെ ജലസംഭരണിയില് ഒളിപ്പിക്കുകയുംചെയ്തു.
ക്രൂരപീഡനവും നിമിഷ പ്രിയയുടെ പാസ്പോർട്ട് പിടിച്ചെടുത്തതുമാണ് കൊലപാതകത്തിലേക്ക് നയിച്ചതെന്നായിരുന്നു നിമിഷ പറഞ്ഞത്.
Summary: A complaint has been filed with the Chief Minister against fake fundraising in the name of Nimisha Priya, who is jailed in Yemen. The Save Nimisha Priya Action Council demanded legal action against KA Paul for allegedly collecting money under false pretenses.
