യുകെയിൽ വാക്‌സിന്‍ എടുത്തിട്ട് എന്തെങ്കിലും ആരോഗ്യപ്രശ്‌നം ഉണ്ടോ ? കാത്തിരിക്കുന്നത് ലക്ഷങ്ങളുടെ നഷ്ടപരിഹാരം…!

യുകെയിൽ ചില വാക്സിനുകള്‍ എടുത്തതു മൂലം കടുത്ത ആരോഗ്യ പ്രശ്നങ്ങള്‍ അനുഭവിക്കുന്നവര്‍ക്ക് 1,20,000 പൗണ്ട് വരെ നഷ്ടപരിഹാരം ലഭിച്ചേക്കുമെ റിപ്പോർട്ട്.

വാക്സിന്‍ ഡാമേജ് പേയ്മെന്റ് എന്നപേരിലാണ് ക്സിന്‍ മൂലം ഗുരുതരമായ പ്രശ്നങ്ങള്‍ അഭിമുഖീകരിക്കേണ്ടി വന്നവര്‍ക്ക് പണം നൽകുക.

കൊറോണ വൈറസ്, അഞ്ചാംപനി, ടെറ്റനസ് തുടങ്ങി നിരവധി വാക്സിനുകള്‍ ഈ പദ്ധതിയില്‍ ഉള്‍പ്പെടുത്തിയിട്ടുണ്ട്.

അത്തരത്തിലുള്ള ഗുരുതരമായ പാര്‍ശ്വഫലങ്ങള്‍ ഉള്ളവര്‍ക്കാണ് ഈ ഒറ്റത്തവണ സഹായധനം നല്‍കുന്നത്. ശാരീരികമോ മാനസികമോ ആയ ഗുരുതര പാര്‍ശ്വഫലങ്ങള്‍ ഉള്ളവര്‍ക്ക് ഈ പണം ലഭിക്കും.

അതിനായി, നിങ്ങളുടെ പ്രശ്നം ഉണ്ടായത് വാക്സിന്‍ മൂലമാണെന്നും അത് ഗുരുതരമാനെന്നും തെളിയിക്കുന്ന ഡോക്ടറുടെ സര്‍ട്ടിഫിക്കറ്റ് ആവശ്യമാണ്.

18 വയസ്സ് തികയുന്നതിന് മുന്‍പായിരിക്കണം വാക്സിന്‍ എടുത്തിട്ടുള്ളത്. എന്‍ എച്ച് എസ് ബി എസ് എ വെബ്‌സൈറ്റ് വഴിയാണ് അപേക്ഷിക്കേണ്ടത്.

വൈദ്യശാസ്ത്രം അംഗീകരിച്ച വാക്സിനുകള്‍ മിക്കവര്‍ക്കും സുരക്ഷിതമായിരിക്കും. അതോടൊപ്പം പകര്‍ച്ചവ്യാധികള്‍ തടയുന്നതിനുള്ള ഏറ്റവും കാര്യക്ഷമമായ മാര്‍ഗം കൂടിയാണ് വാക്സിനുകള്‍.

അത് നിങ്ങളെ മാത്രമല്ല, നിങ്ങള്‍ക്ക് ചുറ്റുമുള്ളവരെയും രോഗങ്ങളില്‍ നിന്നും സംരക്ഷിക്കും. എന്നാല്‍, വളരെ വിരളമായ അവസരങ്ങളില്‍ വാക്സിനുകള്‍ ചില പാര്‍ശ്വഫലങ്ങള്‍ ഉണ്ടാക്കാറുണ്ട്.

ഒട്ടുമിക്ക കേസുകളിലും പാര്‍ശ്വഫലങ്ങള്‍ നിസ്സാരമായിരിക്കുമെങ്കിലും ചിലരിലെങ്കിലും അത് ഗുരുതരമായ പാര്‍ശ്വഫലങ്ങള്‍ക്ക് ഇടയാക്കിയേക്കും.

Summary:
A report suggests that individuals in the UK who are suffering from serious health problems due to certain vaccines may be eligible for compensation of up to £120,000.