ടൂത്ത് പേസ്റ്റ് വിൽപനയിൽ വൻ ഇടിവ്

ടൂത്ത് പേസ്റ്റ് വിൽപനയിൽ വൻ ഇടിവ്

മുംബൈ: ഇന്ത്യക്കാരുടെ ജീവിതരീതിയും ചെലവു സ്വഭാവവും ലോകമെമ്പാടുമുള്ള വിദഗ്ധരെ അമ്പരിപ്പിച്ചുകൊണ്ടിരിക്കുമ്പോൾ, ഇപ്പോൾ അതേ അത്ഭുതം പ്രകടിപ്പിച്ചത് ടൂത്ത്‌പേസ്റ്റ് നിർമ്മാതാക്കളായ കോൾഗേറ്റ്-പാമോലിവാണ്.

ഇന്ത്യക്കാർ കാർ മുതൽ ചോക്ലേറ്റ് വരെ വാങ്ങുന്നുണ്ടെങ്കിലും പല്ല് തേക്കാൻ ടൂത്ത്‌പേസ്റ്റ് വാങ്ങുന്നില്ലെന്നാണ് കമ്പനി വെളിപ്പെടുത്തിയത്. ഇതോടെ രാജ്യത്തെ ടൂത്ത്‌പേസ്റ്റ് വിപണിയുടെ പകുതിയോളം നിയന്ത്രിക്കുന്ന കോൾഗേറ്റിന്റെ വിൽപനയിൽ വൻ ഇടിവാണ് രേഖപ്പെടുത്തിയത്.

തുടർച്ചയായ മൂന്നാം സാമ്പത്തിക പാദത്തിലും കമ്പനിയുടെ വിൽപന കുത്തനെ ഇടിഞ്ഞതായി കണക്കുകൾ വ്യക്തമാക്കുന്നു. നഗരപ്രദേശങ്ങളിലാണ് വിൽപനയിൽ ഏറ്റവും കൂടുതൽ ഇടിവ് ഉണ്ടായത്.ഗ്രാമപ്രദേശങ്ങളിൽ വിൽപന നിലനിൽക്കുന്നുണ്ടെങ്കിലും, മൊത്തം വരുമാനം 6.3 ശതമാനം കുറഞ്ഞതായി കമ്പനി ചെയർമാനും സിഇഒയുമായ നോയൽ വലയ്സ് പറഞ്ഞു.

ജി.എസ്.ടി. നിരക്ക് 18 ശതമാനത്തിൽ നിന്ന് അഞ്ച് ശതമാനമായി കുറച്ചിട്ടും ടൂത്ത്‌പേസ്റ്റ് വിൽപനയിൽ വർധനയില്ലെന്നതാണ് ശ്രദ്ധേയമായത്. ഉൽപ്പന്ന വിതരണത്തിലെ തടസ്സങ്ങളും ഉപഭോക്താക്കളുടെ ചെലവുകുറവ് സമീപനവും വിൽപനയെ ബാധിച്ചതായി കോൾഗേറ്റ് വിലയിരുത്തുന്നു.

ഉപഭോക്താക്കളെ ആകർഷിക്കാൻ കമ്പനി ഉയർന്ന ഗുണമേന്മയുള്ള പുതിയ ടൂത്ത്‌പേസ്റ്റുകൾ പുറത്തിറക്കിയെങ്കിലും പ്രതീക്ഷിച്ച ഫലം ലഭിച്ചില്ല. ഗ്രാമപ്രദേശങ്ങളിലേക്ക് ലക്ഷ്യമിട്ട് പുറത്തിറക്കിയ കോൾഗേറ്റ് സ്ട്രോങ് ടീത്ത് ബ്രാൻഡും പ്രതീക്ഷകൾ നിറവേറ്റിയില്ല.

രാജ്യത്തെ ₹16,700 കോടി രൂപയുടെ ഓറൽ കെയർ വിപണിയിൽ കോൾഗേറ്റിന്റെ പങ്കാളിത്തം 46.1 ശതമാനത്തിൽ നിന്ന് 42.6 ശതമാനമായി കുറഞ്ഞു. മറുവശത്ത്, ഡാബർ വിപണി പങ്കാളിത്തം 13.9 ശതമാനമായി ഉയർത്തി.

ഹിന്ദുസ്ഥാൻ യൂനിലിവറിന്റെയും പതഞ്ജലിയുടെയും സാന്നിധ്യം കോൾഗേറ്റിന് തിരിച്ചടിയായതായി വിലയിരുത്തുന്നു. രാജ്യത്തെ 16,700 കോടി രൂപയുടെ ഓറൽ കെയർ വിപണിയുടെ പകുതിയും കോൾഗേറ്റിന്റെ നിയന്ത്രണത്തിലാണ്.

രണ്ട് വർഷമായി ടൂത്ത് പേസ്റ്റ് വിപണിയിൽ കോൾഗേറ്റിന് കഷ്ടകാലമാണ്. രണ്ട് വർഷം മുമ്പ് 46.1 ശതമാനമായിരുന്ന വിപണി പങ്കാളിത്തം ഈ വർഷം സെപ്റ്റംബർ പാദത്തിൽ 42.6 ശതമാനമായി കുറഞ്ഞു.

ഡാബർ, ഹിന്ദുസ്ഥാൻ യൂനിലിവർ തുടങ്ങിയ കമ്പനികൾ ശക്തരായതോടെയാണ് കോൾഗേറ്റിന്റെ പിടിവിട്ടത്. രണ്ട് വർഷത്തിനിടെ ഡാബറിന്റെ വിപണി പങ്കാളിത്തം 13.9 ശതമാനമായി ഉയർന്നു.

ഹിന്ദുസ്ഥാൻ യൂനിലിവറിന്റെ 15.6 ശതമാനം വിപണി പങ്കാളിത്തത്തിൽ മാറ്റമൊന്നുമുണ്ടായിട്ടില്ല, മാത്രമല്ല, ജി.എസ്‌.കെ കൺസ്യൂമറും പതഞ്ജലി ആയുർവേദയും വിപണിയിൽ സജീവമായതും തിരിച്ചടിയാണ്.

English Summary:

Colgate-Palmolive has reported a sharp drop in toothpaste sales in India, with the company noting that while Indians are spending on cars and chocolates, they are buying less toothpaste.

This marks the third consecutive financial quarter of sales decline, especially in urban markets. Despite a GST reduction from 18% to 5%, Colgate’s revenue fell by 6.3% compared to last year.

Supply disruptions and reduced consumer spending are cited as key reasons. The company’s market share has dropped from 46.1% to 42.6%, while rivals like Dabur and Patanjali have gained ground.

Colgate plans to review the sales decline and introduce new strategies to strengthen its market position.