ക്ലാസ്മേറ്റ്സ് സെറ്റിലെ രഹസ്യ പ്രണയങ്ങള്
ലാല് ജോസ് സംവിധാനം ചെയ്ത് 2006ല് പുറത്തിറങ്ങിയ സൂപ്പര്ഹിറ്റായ ക്ലാസ്മേറ്റ്സ് സിനിമയെക്കുറിച്ചുള്ള പുതിയ വെളിപ്പെടുത്തലുകളാണ് ഇപ്പോള് ചര്ച്ചയാകുന്നത്.
പൃഥ്വിരാജ്, കാവ്യ മാധവന്, ഇന്ദ്രജിത്ത്, ജയസൂര്യ, നരേന് തുടങ്ങിയവരെ ഒന്നിച്ചുകൂട്ടിയ ഈ ചിത്രം ആ വര്ഷത്തെ ഏറ്റവും വലിയ വിജയമായി.
കേരളത്തില് റിയൂണിയന് ട്രെന്ഡ് ജനപ്രിയമാക്കിയത് ഈ സിനിമയാണെന്ന് പറയും.
ഇപ്പോള് സിനിമയുടെ ലൊക്കേഷന് ദിനങ്ങളെക്കുറിച്ചും സെറ്റില് നടന്ന ‘രഹസ്യ പ്രണയങ്ങള്’ കുറിച്ചും സിനിമയുടെ പ്രൊഡക്ഷന് മാനേജര് എല്ദോ സെല്വരാജ് തുറന്നു പറയുകയാണ്.
മാസ്റ്റർ ബിൻ യൂട്യൂബ് ചാനലിന് നൽകിയ അഭിമുഖത്തിലാണ് അദ്ദേഹം ഓര്മ്മകള് പങ്കുവെച്ചത്.
തിരക്കഥ വായിച്ചതോടെ തന്നെ ചിത്രം ഹിറ്റാകുമെന്ന് ഉറപ്പായിരുന്നുവെന്നും അന്നത്തെ പ്രമുഖ യുവതാരങ്ങളെല്ലാം ഒരുമിച്ചെത്തിയതിനാല് സെറ്റില് സൗഹൃദവും ഉത്സാഹവും നിറഞ്ഞിരുന്നുവെന്നും അദ്ദേഹം പറഞ്ഞു.
പിന്നീട് റിയൂണിയന് സംസ്കാരം ജനങ്ങൾ ഏറ്റെടുത്തതും ഈ സിനിമയുടെ സ്വാധീനഫലമാണെന്ന് എല്ദോ ഓര്ക്കുന്നു.
സെറ്റില് നിരവധി പ്രണയങ്ങള് അദ്ദേഹം വെളിപ്പെടുത്തി. മേക്കപ്പ് അസിസ്റ്റന്റായിരുന്ന ശ്രീജിത്ത് മുതൽ സൗണ്ട് റെക്കോർഡിസ്റ്റ് സോജി, പൃഥ്വിരാജിനൊപ്പമുണ്ടായിരുന്ന ട്രെയ്നര്—ഇങ്ങനെ പലരും
സെറ്റില് എത്തിയ പെണ്കുട്ടികളുമായി പ്രണയത്തിലായതും പിന്നീട് വിവാഹിതരായതുമാണ് അദ്ദേഹം പറയുന്നത്.
എന്റെ ഖല്ബിലെ എന്ന പാട്ട് പ്ലേ ചെയ്തപ്പോള് ഹാളില് നിറഞ്ഞ പ്രത്യേകമായ ഇമോഷനുകളും അദ്ദേഹം ഓര്ക്കുകയും ചെയ്തു.
അവിടെപ്പോഴും ഇടിയും ബഹളവുമുണ്ടായിരുന്നുവെന്ന് എല്ദോ പറയുന്നു. താരങ്ങളെ കാണാന് കൂട്ടംകൂടിയ നാട്ടുകാർ ശ്രദ്ധയില്ലാതെ പെരുമാറുമ്പോള് ചിലപ്പോള് ബഹളം കൂടി സിനിമാ പ്രവര്ത്തകര്ക്ക് ബുദ്ധിമുട്ടുണ്ടാക്കാറുണ്ടായിരുന്നുവത്രെ.
ഒരിക്കല് ലൊക്കേഷനിൽ വലിയ സംഘര്ഷം പൊട്ടിപ്പുറപ്പെടുകയും ലാല് ജോസ് ഉള്പ്പെടെ മുഴുവൻ സംഘം ഇടപെട്ട് പ്രശ്നം പരിഹരിക്കേണ്ടിവന്നതുമാണ് അദ്ദേഹത്തിന്റെ ഓര്മ്മ.
ഒരിക്കല് പുലര്ച്ചെ രണ്ടുമണിക്ക് കോട്ടയം റെയില്വേ സ്റ്റേഷനിൽ ഒരു ‘ആരാധകന്’ തനിക്കായി കാത്തുനിന്നത് പോലും അദ്ദേഹത്തിന് ഭയമുണർത്തിയ സംഭവമാണ്.
താരങ്ങളെ നേരിൽ കാണണമെന്ന ആഗ്രഹം സാധാരണമായിരുന്നുവെങ്കിലും ചിലർ പ്രശ്നമുണ്ടാക്കുമെന്നുമാണ് അദ്ദേഹം പറഞ്ഞത്.
English Summary
Eldo Selvaraj, the production manager of the 2006 Malayalam superhit Classmates, has revealed interesting behind-the-scenes stories in a recent interview. Directed by Lal Jose and starring Prithviraj, Kavya Madhavan, Indrajith, Jayasurya, and Narain, the film was one of the biggest hits of its time and popularized the reunion trend in Kerala.
Eldo said he was confident of the film’s success from the moment he read the script. He also disclosed that several crew members, including the makeup assistant, sound recordist, and Prithviraj’s trainer, fell in love with women on the set, and many of these relationships eventually led to marriages. He recalled the emotional atmosphere during the shoot, especially when certain songs were played.
The sets often witnessed commotion, mostly caused by locals eager to see the stars. Eldo also shared incidents of tense moments, including a late-night scare at Kottayam railway station when a fan unexpectedly approached him. Despite such challenges, he remembers the time fondly.
classmates-movie-behind-the-scenes-love-stories-eldo-selvaraj-interview
Classmates, Lal Jose, Prithviraj, Kavya Madhavan, Malayalam Cinema, Eldo Selvaraj, Behind the Scenes, Cinema News, Film Interview, Jayasurya, Indrajith, Narain, Malayalam Movie Stories
