മമ്മൂക്കയും ഗുസ്തിക്കളത്തിലേക്ക്! അർജുൻ അശോകൻ – റോഷൻ മാത്യു ചിത്രം ‘ചത്താ പച്ച’യുടെ റിലീസ് തീയതി പുറത്ത്; കളം നിറയാൻ വമ്പൻ താരനിരയും സാങ്കേതിക വിദഗ്ധരും

മലയാള സിനിമയിലെ യുവതാരങ്ങളെ അണിനിരത്തി നവാഗതനായ അദ്വൈത് നായർ സംവിധാനം ചെയ്യുന്ന പാൻ ഇന്ത്യൻ ആക്ഷൻ എൻ്റർടെയ്നർ ‘ചത്താ പച്ച’യുടെ റിലീസ് തീയതി പ്രഖ്യാപിച്ചു.

പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ഈ ചിത്രം ജനുവരി 22-ന് ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തും.

റെസിലിങ്ങിന്റെ (ഗുസ്തി) പശ്ചാത്തലത്തിൽ ഒരുക്കിയിരിക്കുന്ന ഈ ചിത്രം മലയാളത്തിലെ വമ്പൻ റിലീസുകളിൽ ഒന്നായിരിക്കുമെന്നാണ് സൂചന.

അർജുൻ അശോകനും റോഷൻ മാത്യുവും നേർക്കുനേർ; ഒപ്പം വിസ്മയിപ്പിക്കാൻ മെഗാസ്റ്റാർ മമ്മൂട്ടിയുടെ മാസ്സ് അതിഥി വേഷവും

അർജുൻ അശോകൻ, റോഷൻ മാത്യു, വിശാഖ് നായർ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.

ശാരീരികമായ ഏറെ വെല്ലുവിളികൾ നിറഞ്ഞ ഗുസ്തിക്കാരന്റെ വേഷത്തിലാണ് താരങ്ങൾ എത്തുന്നത്.

എന്നാൽ സിനിമാ പ്രേമികളെ ആവേശത്തിലാഴ്ത്തുന്ന പ്രധാന വാർത്ത മെഗാസ്റ്റാർ മമ്മൂട്ടി ഈ ചിത്രത്തിൽ ഒരു സുപ്രധാന അതിഥി വേഷത്തിൽ എത്തുന്നു എന്നതാണ്.

താരത്തിന്റെ സാന്നിധ്യം ചിത്രത്തിന് വലിയൊരു മൈലേജ് നൽകുമെന്നുറപ്പാണ്.

മലയാളത്തിലേക്ക് ആദ്യമായി ശങ്കർ–എഹ്‌സാൻ–ലോയ് കൂട്ടുകെട്ട്; സംഗീതവും പശ്ചാത്തലവും ഒരുക്കാൻ വമ്പൻ ടീം,മമ്മൂട്ടി ഗുസ്തിക്കളത്തിലേക്ക്

ഇന്ത്യൻ സിനിമയിലെ തന്നെ വിസ്മയമായ ശങ്കർ–എഹ്‌സാൻ–ലോയ് സംഗീത ത്രയം ആദ്യമായി മലയാളത്തിൽ സംഗീതം നിർവ്വഹിക്കുന്നു എന്ന പ്രത്യേകതയും ‘ചത്താ പച്ച’യ്ക്കുണ്ട്.

ടി-സീരീസാണ് ചിത്രത്തിന്റെ ഓഡിയോ അവകാശം സ്വന്തമാക്കിയിരിക്കുന്നത്. വിനായക് ശശികുമാറിന്റെ വരികൾക്ക് മുജീബ് മജീദ് പശ്ചാത്തല സംഗീതം ഒരുക്കുന്നു.

ആനന്ദ് സി. ചന്ദ്രൻ ക്യാമറ ചലിപ്പിക്കുമ്പോൾ കലൈ കിങ്സൺ ആക്ഷൻ രംഗങ്ങൾ ഒരുക്കുന്നു. സനൂപ് തൈക്കൂടമാണ് തിരക്കഥാകൃത്ത്.

വടക്കൻ അയർലൻഡിലെ ആദ്യത്തെ ‘ക്രിസ്മസ് ബേബി’; പുതുവർഷത്തിൽ ജനിച്ച ആദ്യത്തെ കുഞ്ഞായി മലയാളി ദമ്പതികളുടെ മകൾ

ദുൽഖർ സൽമാന്റെ വേഫറർ ഫിലിംസും കരൺ ജോഹറിന്റെ ധർമ്മ പ്രൊഡക്ഷൻസും; പാൻ ഇന്ത്യൻ തലത്തിൽ വമ്പൻ റിലീസ്

റീൽ വേൾഡ് എന്റർടെയ്ൻമെന്റിന്റെ ബാനറിൽ ഷിഹാൻ ഷൗക്കത്ത്, റിതേഷ്, രമേശ് എസ്. രാമകൃഷ്ണൻ എന്നിവർ ചേർന്നാണ് ചിത്രം നിർമ്മിക്കുന്നത്.

ചിത്രത്തിന്റെ കേരളത്തിലെ വിതരണം ദുൽഖർ സൽമാന്റെ വേഫറർ ഫിലിംസ് ഏറ്റെടുത്തു. തമിഴ്‌നാട്, കർണാടക മേഖലകളിൽ പി.വി.ആർ ഐനോക്സും,

ആന്ധ്ര-തെലങ്കാനയിൽ മൈത്രി മൂവി മേക്കേഴ്സും, നോർത്ത് ഇന്ത്യയിൽ കരൺ ജോഹറിന്റെ ധർമ്മ പ്രൊഡക്ഷൻസുമാണ് ചിത്രം റിലീസ് ചെയ്യുന്നത്.

ഏകദേശം 100 രാജ്യങ്ങളിലായി ‘ദ് പ്ലോട്ട് പിക്ചേഴ്സ്’ ചിത്രം അന്താരാഷ്ട്ര തലത്തിൽ എത്തിക്കും.

English Summary:

‘Chatha Pacha’, directed by Advait Nair, is an upcoming Malayalam action film set against the backdrop of wrestling. Starring Arjun Ashokan and Roshan Mathew, the film features a cameo by Mammootty and marks the debut of Shankar-Ehsaan-Loy in Mollywood.