കന്യാസ്ത്രീയെ പീഡിപ്പിച്ചു; സഭാ നിയന്ത്രണത്തിലുള്ള ആശുപത്രിയിലെ എച്ച് ആർ മാനേജർ അറസ്റ്റിൽ
കോട്ടയം: കന്യാസ്ത്രീയെ പീഡിപ്പിച്ചെന്ന പരാതി; സഭാ നിയന്ത്രണത്തിലുള്ള ആശുപത്രിയിലെ മുൻ ജീവനക്കാരൻ അറസ്റ്റിൽ.
ചങ്ങനാശേരിയിൽ കന്യാസ്ത്രീയെ ലൈംഗികമായി പീഡിപ്പിച്ചെന്ന പരാതിയിൽ സഭയുടെ നിയന്ത്രണത്തിലുള്ള ആശുപത്രിയിലെ മുൻ ജീവനക്കാരനെ പൊലീസ് അറസ്റ്റ് ചെയ്തു.
പൊൻകുന്നം സ്വദേശി ബാബു തോമസ് (45) ആണ് പിടിയിലായത്. ചങ്ങനാശേരി അതിരൂപതയുടെ നിയന്ത്രണത്തിലുള്ള ആശുപത്രിയിൽ എച്ച്.ആർ. മാനേജറായി പ്രവർത്തിച്ചിരുന്നയാളാണ് ഇയാൾ.
ഫോണിലൂടെ അശ്ലീല സന്ദേശങ്ങൾ അയച്ചതായും, പലതവണ ലൈംഗികമായി പീഡിപ്പിച്ചതായുമാണ് കന്യാസ്ത്രീ നൽകിയ പരാതിയിൽ പറയുന്നത്.
സംഭവം പുറത്തറിഞ്ഞതിനു പിന്നാലെ ബാബു തോമസ് ജോലി രാജിവെച്ചതായി സഭയുടെ മാധ്യമ വിഭാഗം അറിയിച്ചു. സംഭവകാലത്ത് ആശുപത്രിയിലെ എച്ച്.ആർ. മാനേജർ സ്ഥാനത്തായിരുന്നു ഇയാൾ ജോലി ചെയ്തിരുന്നതെന്നും അധികൃതർ വ്യക്തമാക്കി.
ചങ്ങനാശേരി പൊലീസ് പ്രതിയെ കസ്റ്റഡിയിലെടുത്തിട്ടുണ്ട്. പരാതിക്കാരിയായ കന്യാസ്ത്രീക്ക് പുറമെ, കൂടുതൽ സ്ത്രീകൾ ഇയാളുടെ പീഡനത്തിന് ഇരയായിട്ടുണ്ടാകാമെന്ന സംശയവും പൊലീസ് പരിശോധിച്ചുവരികയാണ്.
English Summary:
Police have arrested a former HR manager of a church-controlled hospital in Changanassery following a complaint by a nun alleging sexual harassment. The accused, Babu Thomas (45) from Ponkunnam, is alleged to have sent obscene messages and sexually abused the victim multiple times. Police are also probing whether more women may have been subjected to similar abuse.
changanassery-nun-harassment-hospital-hr-manager-arrested
Changanassery, nun harassment case, church hospital, HR manager arrest, Kerala crime news, sexual abuse investigation
