രാജ്യത്തിന് ശരിയായ സമയത്ത് ശരിയായ നേതാവിനെ ലഭിച്ചെന്ന് ചന്ദ്ര ബാബു നായിഡു. നരേന്ദ്ര മോദിയെ പരാമര്‍ശിച്ചുകൊണ്ടാണ് ചന്ദ്ര ബാബു നായിഡു പറഞ്ഞത്. മോദിയുടെ നേതൃത്വത്തില്‍ ഉറച്ച വിശ്വാസമുണ്ടെന്നും അടുത്ത അഞ്ച് വര്‍ഷത്തിനുള്ളില്‍ രാജ്യം സാമ്പത്തിക ശക്തിയില്‍ ഒന്നോ രണ്ടോ സ്ഥാനത്തെത്തുമെന്നും അദ്ദേഹം കൂട്ടിച്ചേർത്തു. (Chandrababu Naidu, Nitish Kumar back Narendra Modi as NDA leader)
അതേസമയം തന്റെ പാര്‍ട്ടി എല്ലാക്കാലത്തും നരേന്ദ്ര മോദിക്കൊപ്പം നിലകൊള്ളുമെന്ന് നിതീഷ് കുമാര്‍ പറഞ്ഞു. എവിടെയൊക്കയോ ആയി ചില സീറ്റുകളില്‍ ഇന്‍ഡ്യ സഖ്യം വിജയിച്ചു. അടുത്ത തവണ ഈ സീറ്റും നമ്മള്‍ പിടിക്കും. ഇന്‍ഡ്യ സഖ്യം നാടിന് വേണ്ടി ഒന്നും ചെയ്തിട്ടില്ലെന്നും അദ്ദേഹം പറഞ്ഞു.
മോദി രാജ്യത്തെ സേവിച്ചുവെന്നും തങ്ങള്‍ അദ്ദേഹത്തിനൊപ്പം എന്നും നിലകൊള്ളുമെന്നും നിതീഷ് കുമാര്‍ പറഞ്ഞു. നിതീഷുമായി ഇന്‍ഡ്യ സഖ്യത്തിലെ നേതാക്കള്‍ ചര്‍ച്ച നടത്തുന്നുണ്ടെന്ന വാര്‍ത്തകളെ തള്ളുന്നതായിരുന്നു നിതീഷിന്റെ പ്രതികരണം.
തുടര്‍ച്ചയായ മൂന്നാം തവണയാണ് നരേന്ദ്രമോദി രാജ്യത്തിന്റെ പ്രധാനമന്ത്രിയാവുന്നത്. ഞായറാഴ്ച്ചയാണ് മൂന്നാം മോദി സര്‍ക്കാരിന്റെ സത്യപ്രതിജ്ഞ. മോദിയെ പ്രധാനമന്ത്രിയാക്കാനുള്ള തീരുമാനത്തെ ടിഡിപി നേതാവ് ചന്ദ്ര ബാബു നായിഡുവും ജെഡിയു അധ്യക്ഷന്‍ നിതീഷ് കുമാറും പിന്തുണച്ചിട്ടുണ്ട്.
Read More: വടിവാൾ കൊണ്ട് കേക്ക് മുറിച്ച് യുവാക്കൾ: പോലീസ് എത്തിയതോടെ പുലിവാലായി, പിന്നാലെ വൻ തമാശയും !
Read More: തൃശ്ശൂരിൽ വന്ദേഭാരതിന് നേരെ കല്ലേറ്; രണ്ട് കോച്ചുകളുടെ ചില്ല് തകർന്നു
