തൃശ്ശൂര്: തൃശൂര് ജില്ലാ കളക്ടര് വി ആര് കൃഷ്ണതേജ കേരളം വിടുന്നു. കൃഷ്ണതേജ അനുമതി തേടിയതിനെ തുടർന്ന് കേരളാ കേഡറില് നിന്ന് ആന്ധ്ര കേഡറിലേക്ക് മാറ്റിക്കൊണ്ട് കേന്ദ്ര സര്ക്കാര് ഉത്തരവിറക്കി. മൂന്നു വര്ഷത്തേക്കാണ് ഡപ്യൂട്ടേഷന്.(central approval for deputation of collector VR krishna teja)
ആന്ധ്ര ഉപമുഖ്യമന്ത്രി പവന് കല്യാണിന്റെ ഓഫീസര് ഓണ് സ്പെഷ്യല് ഡ്യൂട്ടി തസ്തികയിലേക്കാണ് കൃഷ്ണതേജ പോകുന്നത്. പവൻ കല്യാണിന്റെ സ്റ്റാഫിലേക്ക് പോകുന്നതിന് വേണ്ടി കൃഷ്ണതേജ അനുമതി തേടിയിരുന്നു. സംസ്ഥാന സർക്കാർ എതിർപ്പില്ലെന്ന് അറിയിച്ചതോടെയാണ് കേന്ദ്രസർക്കാർ അനുമതി നൽകിയത്. തൃശ്ശൂർ കളക്ടറായി 20 മാസം പൂർത്തിയാകുമ്പോഴാണ് കൃഷ്ണതേജ ഡെപ്യൂട്ടേഷൻ വ്യവസ്ഥയിൽ ചുമതല ഒഴിഞ്ഞ് കേരളം വിട്ട് ആന്ധ്രയിലേക്ക് പോകുന്നത്.
ആന്ധ്രയിലെ ഗുണ്ടൂര് സ്വദേശിയായ കൃഷ്ണ തേജ 2015 ബാച്ച് ഐഎഎസ് ഉദ്യോഗസ്ഥനാണ്. തൃശൂര് സബ് കളക്ടര്, ആലപ്പുഴ കളക്ടര് എന്നീ നിലകളില് പ്രവര്ത്തിച്ച ശേഷമാണ് തൃശൂരില് കളക്ടറായി ചുമതലയേറ്റത്.
Read Also: ഓഫ് റോഡ് ട്രക്കിങ്ങിനായി എത്തിയ നാൽപതംഗസംഘം ഇടുക്കിയിൽ മലമുകളിൽ കുടുങ്ങി
