ഈ വർഷം സെലിബ്രിറ്റികൾ ആഘോഷമാക്കി മാറ്റിയ, സഞ്ചാരികളുടെ ഹോട്ട്‌സ്പോട്ടുകളായി മാറിയ പത്ത് ഇടങ്ങൾ

ഈ വർഷം സെലിബ്രിറ്റികൾ ആഘോഷമാക്കി മാറ്റിയ, സഞ്ചാരികളുടെ ഹോട്ട്‌സ്പോട്ടുകളായി മാറിയ പത്ത് ഇടങ്ങൾ

താരങ്ങൾ എവിടെയെത്തിയാലും അത് വാർത്തയാകുന്ന കാലമാണ് 2025. ഇൻസ്റ്റഗ്രാം റീലുകളും വ്ലോഗുകളും വഴി അവർ പങ്കുവയ്ക്കുന്ന ഓരോ യാത്രയും പിന്നീട് ആയിരക്കണക്കിന് സഞ്ചാരികളെ ആകർഷിക്കുന്ന ട്രെൻഡിംഗ് ലൊക്കേഷനുകളായി മാറുകയാണ്.

ഈ വർഷം സെലിബ്രിറ്റികൾ ആഘോഷമാക്കി മാറ്റിയ, സഞ്ചാരികളുടെ ഹോട്ട്‌സ്പോട്ടുകളായി മാറിയ പത്ത് ഇടങ്ങൾ ഇവയാണ്…

1. കേരളാംകുണ്ട് വെള്ളച്ചാട്ടം, മലപ്പുറം

മലപ്പുറത്തിന്റെ അഭിമാനമായ കേരളാംകുണ്ട് വെള്ളച്ചാട്ടം 2025-ൽ ആഗോള ശ്രദ്ധ നേടിയ ഇടമായി. ഫുട്ബോൾ താരം മുഹമ്മദ് റിസ്‌വാൻ ഇവിടെ ചെയ്ത ഇൻസ്റ്റഗ്രാം റീൽ 555 മില്യണിലധികം കാഴ്ചകൾ നേടി ലോക റെക്കോർഡായി.

ഇതോടെ കേരളാംകുണ്ട് ഒരു ലോക്കൽ ടൂറിസ്റ്റ് സ്പോട്ടിൽ നിന്ന് അന്താരാഷ്ട്ര ശ്രദ്ധ നേടുന്ന കേന്ദ്രമായി മാറി.

2. വർക്കല ക്ലിഫ്, തിരുവനന്തപുരം

കടലും പാറക്കെട്ടുകളും ഒന്നിക്കുന്ന വർക്കല ക്ലിഫ് 2025-ൽ താരങ്ങളുടെ പ്രിയപ്പെട്ട ലൊക്കേഷനായി. വിൻസി അലോഷ്യസ്, അനിഖ സുരേന്ദ്രൻ എന്നിവരുടെ ഫോട്ടോഷൂട്ടുകളും യാത്രാ ചിത്രങ്ങളും വലിയ സോഷ്യൽ മീഡിയ തരംഗം സൃഷ്ടിച്ചു.

പാപനാശം ബീച്ച് ഈ വർഷത്തെ സെലിബ്രിറ്റി ഹോട്ട്‌സ്പോട്ടുകളിൽ ഒന്നായി.

3. ജൂ സ്ട്രീറ്റും മട്ടാഞ്ചേരിയും, കൊച്ചി

ബോളിവുഡ് താരം ജാൻവി കപൂറിന്റെ കൊച്ചി യാത്ര സോഷ്യൽ മീഡിയയിൽ വലിയ ചർച്ചയായി. ജൂ സ്ട്രീറ്റിലൂടെയുള്ള നടപ്പും മട്ടാഞ്ചേരിയിലെ ആന്റിക് ഷോപ്പുകളിലേക്കുള്ള സന്ദർശനവും വൈറലായി.

റോഷൻ മാത്യുവിനൊപ്പം സിനഗോഗും ശ്രീ പൂർണത്രയീശ ക്ഷേത്രവും സന്ദർശിച്ച ശേഷം ജാൻവി മടങ്ങി.

4. മമ്മൂട്ടി ഹൗസ്, പനമ്പിള്ളി നഗർ

മെഗാസ്റ്റാർ മമ്മൂട്ടിയുടെ പഴയ വീട് 2025-ൽ ഒരു ലക്ഷ്വറി സ്റ്റേക്കേഷൻ ഇടമായി മാറിയത് വലിയ വാർത്തയായി. പനമ്പിള്ളി നഗറിലുള്ള ഈ വീട്ടിൽ താമസിച്ച് താരത്തിന്റെ ജീവിതശൈലി അനുഭവിക്കാനുള്ള അവസരമാണ് സഞ്ചാരികൾക്ക് ലഭിക്കുന്നത്.

5. കാപ്പിൽ ബീച്ച്, തിരുവനന്തപുരം–കൊല്ലം

ഒരു വശത്ത് കായലും മറുവശത്ത് കടലും നടുവിലൂടെ റോഡും – റോഡ് ട്രിപ്പ് പ്രേമികളുടെ സ്വർഗം. അനിഖ സുരേന്ദ്രന്റെ യാത്രാ പോസ്റ്റുകളോടെയാണ് കാപ്പിൽ ബീച്ച് വൈറലായത്.

6. വിയറ്റ്നാം

കുറഞ്ഞ ചെലവിൽ വിദേശയാത്ര ആഗ്രഹിക്കുന്ന മലയാളികളുടെ പ്രിയ ഡെസ്റ്റിനേഷനായി വിയറ്റ്നാം മാറി.

പ്രിയ പ്രകാശ് വാര്യറുടെ വിയറ്റ്നാം യാത്രയും ഗോൾഡൻ ബ്രിജിൽ നിന്നുള്ള ചിത്രങ്ങളും വൈറലായി. ബാ നാ ഹിൽസും കേബിൾ കാർ യാത്രയും വലിയ ആകർഷണങ്ങളാണ്.

7. സിംഗപ്പൂർ

ടൊവിനോ തോമസ് കുടുംബത്തോടൊപ്പം നടത്തിയ സിംഗപ്പൂർ യാത്ര 2025-ൽ വലിയ ശ്രദ്ധ നേടി. യൂണിവേഴ്സൽ സ്റ്റുഡിയോസ്, സെന്റോസ ഐലൻഡ്, ഗാർഡൻസ് ബൈ ദ ബേ തുടങ്ങിയ ഇടങ്ങൾ കുടുംബ വിനോദസഞ്ചാരികൾക്ക് സിംഗപ്പൂരിനെ മികച്ച ഓപ്ഷനാക്കി.

8. ലാപ്‌ലാൻഡ്, ഫിൻലാൻഡ്

യുവനടി എസ്തർ അനിലിന്റെ ലാപ്‌ലാൻഡ് സോളോ ട്രിപ്പ് യാത്രാ പ്രേമികളെ കൊതിപ്പിച്ചു. നോർത്തേൺ ലൈറ്റ്സ്, മഞ്ഞിലൂടെയുള്ള സ്ലെഡ്ജ് യാത്ര, ഗ്ലാസ് ഇഗ്ലൂവിലെ താമസം എന്നിവ സോഷ്യൽ മീഡിയയിൽ വൈറലായി.

9. ഹൈഡവേ, ഊട്ടി

മോഹൻലാൽ അവധിക്കാലങ്ങളിൽ താമസിക്കുന്ന ഊട്ടിയിലെ ‘ഹൈഡവേ’ വില്ല 2025-ൽ പൊതുജനങ്ങൾക്കും തുറന്നത് വലിയ വാർത്തയായി. ലാലേട്ടന്റെ പേഴ്സണൽ കളക്ഷനുകളും അദ്ദേഹത്തോടൊപ്പം വർഷങ്ങളായി പ്രവർത്തിക്കുന്ന പാചകക്കാരന്റെ നാടൻ ഭക്ഷണവുമാണ് പ്രധാന ആകർഷണം.

10. അസർബൈജാനും ജോർജിയയും

കുറഞ്ഞ ബജറ്റിൽ യൂറോപ്യൻ അനുഭവം ആഗ്രഹിക്കുന്നവർക്ക് 2025-ലെ ഹോട്ട് ചോയിസുകളായിരുന്നു അസർബൈജാനും ജോർജിയയും.

ഇൻഫ്ലുവൻസർമാരുടെയും വ്ലോഗർമാരുടെയും വീഡിയോകൾ ഈ രാജ്യങ്ങളെ മലയാളി സഞ്ചാരികളുടെ ഫേവറിറ്റാക്കി.

English Summary

In 2025, celebrity travel trends heavily influenced tourism choices. Locations shared through Instagram reels and vlogs by actors, influencers, and sports stars quickly turned into popular travel destinations. From Kerala’s hidden waterfalls and beaches to international hotspots like Vietnam, Singapore, Lapland, Azerbaijan, and Georgia, these ten places emerged as the most celebrated celebrity-inspired travel destinations of the year.

celebrity-travel-destinations-2025-viral-tourist-spots

Celebrity travel, Tourism trends 2025, Viral destinations, Kerala tourism, Celebrity Instagram reels, Travel inspiration, International travel, Malayalam lifestyle, Travel hotspots