വനനിയമ ഭേദഗതിക്കെതിരെ കാഡമം പ്ലാന്റേഴ്സ് ഫെഡറേഷൻ വണ്ടൻമേട് നടത്തുന്ന ഏകദിന സത്യാഗ്രഹം ബുധനാഴ്ച കട്ടപ്പന ഗാന്ധി സ്‌ക്വയറിൽ നടക്കും. രാവിലെ ഒൻപതിന് ഇടുക്കി രൂപതാധ്യക്ഷൻ മാർ ജോൺ നെല്ലിക്കുന്നേൽ ഉദ്ഘാടനം ചെയ്യും. Cardamom farmers announce strike against Forest Act amendment
1961 ലെ വന നിയമ ഭേദഗതിയിൽ ഭരണഘടനാ വിരുദ്ധവും പൗരന്റെ മനുഷ്യാവകാശങ്ങൾ ലംഘിക്കുന്നതുമായ നിയമ ഭേദഗതികൾ അടിച്ചേൽപ്പിക്കുവാൻ നടക്കുന്ന നീക്കങ്ങളിൽ നിന്നും പിന്മാറുക, സുപ്രീം കോടതിയിൽ നടക്കുന്ന സി.എച്ച്.ആർ. കേസിൽ കർഷകർക്കെതിരായി ഇടക്കാല വിധിയുണ്ടായിട്ടും അതിൽ ഊർജിതമായി ഇടപെടാത്ത സർക്കാർ നിലപാട് തിരുത്തുക. നിർമാണ ഭേദഗതിയുടെ തുടർച്ചയായി ഉണ്ടാകേണ്ട ചട്ടങ്ങൾ പാസാക്കുന്നതിൽ സർക്കാർ വരുത്തുന്ന കാലതാമസം ഒഴിവാക്കുക എന്നീ ആവശ്യങ്ങൾ ഉന്നയിച്ചാണ് സമരം.
ഭരണ പ്രതിപക്ഷ ജനപ്രതിനിധികളും രാഷ്ട്രീയ നേതാക്കന്മാരും കർഷക സംഘടനാ നേതാക്കളും സാമൂഹിക സാംസ്‌കാരിക രംഗത്തെ പ്രമുഖരും പങ്കെടുക്കുമെന്ന് ഭാരവാഹികൾ അറിയിച്ചു.
