പാലക്കാട്: കാർ ചായക്കടയിലേക്ക് ഇടിച്ചു കയറി 2 പേർ മരിച്ചു. പാലക്കാട് പുളിഞ്ചോട് ആണ് അപകടമുണ്ടായത്. ചായക്കടക്കാരൻ ബാലൻ, കടയിൽ ഉണ്ടായിരുന്ന മറ്റൊരാൾ എന്നിവരാണ് മരിച്ചത്.
അപകടത്തിൽ മരിച്ച രണ്ടാമത്തെയാളെ തിരിച്ചറിഞ്ഞിട്ടില്ല. സംഭവത്തില് അഞ്ച് പേര്ക്ക് പരിക്കേറ്റിട്ടുണ്ട്. വ്യാഴാഴ്ച മൂന്നു മണിയോടെയാണ് സംഭവം.
കോട്ടേക്കുളം നെന്മാറ ഫോറസ്റ്റ് ഓഫീസ് റോഡില് പുളിഞ്ചുവട്ടിനു സമീപത്തുവെച്ചാണ് സംഭവം. ആലത്തൂരിൽ നിന്ന് നെൻമാറ ഭാഗത്തേക്ക് പോവുകയായിരുന്ന കാറാണ് അപകടമുണ്ടാക്കിയത്.
ആദ്യം ബൈക്കിലിടിച്ച കാര് പിന്നാലെ ചായക്കടയിലേക്ക് പാഞ്ഞുകയറുകയായിരുന്നു. സംഭവത്തെ തുടർന്ന് കാർ ഡ്രൈവർ നെൻമാറ സ്വദേശി പ്രതാപൻ അറസ്റ്റിലായിട്ടുണ്ട്. ഡ്രൈവർ ഉറങ്ങി പോയതാണ് അപകട കാരണമെന്ന് പൊലീസ് പറഞ്ഞു.
