വിമാനത്തിൻ്റെ കോക്ക്പിറ്റ് വാതില് തുറന്നിട്ടത് കുടുംബാംഗങ്ങള്ക്ക് കാണാന് വേണ്ടി
ബ്രിട്ടീഷ് എയർവേയ്സിലെ ഒരു പൈലറ്റിനെ വിമാനയാത്രയ്ക്കിടയിൽ കോക്ക്പിറ്റ് വാതിൽ തുറന്നുവെച്ചതിനാൽ സസ്പെൻഡ് ചെയ്തു. യാത്രക്കാരുടെയും ജീവനക്കാരുടെയും സുരക്ഷ അപകടത്തിലാക്കിയതിനോടൊപ്പം, തീവ്രവാദ വിരുദ്ധ നിയമങ്ങൾ ലംഘിച്ചതിനെയുമാണ് നടപടിക്കു കാരണം.
ലണ്ടൻ–ന്യൂയോർക്ക് സർവീസിലായിരുന്നു സംഭവം. പൈലറ്റിന്റെ കുടുംബാംഗങ്ങൾ വിമാനത്തിലുണ്ടായിരുന്നതിനാൽ, കോക്ക്പിറ്റിലെ പ്രവർത്തനങ്ങൾ കാണിക്കാനാണ് അദ്ദേഹം വാതിൽ തുറന്നുവെച്ചത്.
എന്നാൽ, വാതിൽ ഏറെ നേരം തുറന്നിരിക്കുകയായിരുന്നുവെന്നും, യാത്രക്കാരുടെ ശ്രദ്ധയും ആശങ്കയും ഇതിനാൽ വർധിച്ചുവെന്നുമാണ് റിപ്പോർട്ട്. ജീവനക്കാരും വിഷയം ഗുരുതരമായി കണ്ടതിനെ തുടർന്ന് വിവരം അധികൃതരെ അറിയിക്കുകയും, തുടർന്ന് നടപടി ആരംഭിക്കുകയുമുണ്ടായി.
ബ്രിട്ടീഷ് എയർവേയ്സ് പ്രതികരിക്കുമ്പോൾ, സുരക്ഷയ്ക്കാണ് മുൻഗണന നൽകിയിരിക്കുന്നതെന്നും, ഇത്തരം സംഭവങ്ങളിൽ ഇളവ് അനുവദിക്കില്ലെന്നും വ്യക്തമാക്കി. 2001ലെ 9/11 ആക്രമണങ്ങൾക്ക് ശേഷമാണ് കോക്ക്പിറ്റ് വാതിൽ യാത്രയ്ക്കിടെ തുറക്കരുതെന്ന കർശന നിർദേശം നിലവിൽ വന്നത്.
ഓഗസ്റ്റ് 8-ന് ഹീത്രോയിൽ തിരിച്ചെത്താനിരുന്ന സർവീസ് റദ്ദാക്കേണ്ടി വന്നു. യാത്രക്കാർക്ക് മറ്റൊരു വിമാനത്തിലൂടെ യാത്ര ഉറപ്പാക്കുകയും ചെയ്തു. സംഭവത്തെക്കുറിച്ച് സിവിൽ ഏവിയേഷൻ അതോറിറ്റി അന്വേഷണം പ്രഖ്യാപിച്ചിട്ടുണ്ടെങ്കിലും, സുരക്ഷാഭീഷണി ഉണ്ടായിട്ടില്ലെന്ന് വ്യക്തമാക്കിയിട്ടുണ്ട്.
വിമാനം നേരത്തെ പുറപ്പെട്ടു; പരാതി
കൊച്ചി: എയര് ഇന്ത്യ വിമാനം നേരത്തെ പുറപ്പെട്ടതിനെ തുടർന്ന് പരാതിയുമായി യാത്രക്കാർ. അഞ്ചോളം യാത്രക്കാരാണ് വിമാനം നേരത്തെ മുടങ്ങിയത് മൂലം യാത്ര മുടങ്ങിയത്.
ഇന്ന് രാവിലെ 5.20ന് പുറപ്പെടേണ്ടിയിരുന്ന വിമാനം അരമണിക്കൂർ നേരത്തെ പുറപ്പെടുകയായിരുന്നു. കൊച്ചിയില് നിന്ന് ഡല്ഹിയിലേക്കായിരുന്നു വിമാനം. സംഭവത്തില് യാത്രക്കാര് എയര് ഇന്ത്യക്കെതിരെ പരാതി നല്കിയിട്ടുണ്ട്.
വിമാനത്തിന്റെ സമയം മാറ്റിയത് സംബന്ധിച്ച് വിമാനക്കമ്പനി മുന്നറിയിപ്പ് നൽകിയിരുന്നില്ലെന്നാണ് യാത്രക്കാർ ആരോപിക്കുന്നത്.
ഇവർ വിമാനത്താവളത്തിൽ എത്തിയപ്പോഴാണ് സമയം മാറ്റിയ വിവരം അറിയുന്നത്. ചെക്കിംഗിന് സമയമുണ്ടായിരുന്നിട്ടും അതിന് അനുവദിച്ചില്ലെന്നും യാത്രക്കാർ ആരോപിച്ചു.
‘വിമാനത്തിന്റെ സമയം പുലര്ച്ചെ 5.20ന് ആയിരുന്നു. ഇതനുസരിച്ച് 4.35ന് തന്നെ വിമാനത്താവളത്തില് എത്തിയിരുന്നു.
എന്നാൽ വിമാനം നേരത്തേ പുറപ്പെട്ടു. ഇതോടെ യാത്ര മടങ്ങുകയായിരുന്നു’, യാത്രക്കാരിലൊരാളായ റോയി പറഞ്ഞു. സംഭവത്തില് നഷ്ടപരിഹാരം നല്കാന് പോലും എയര് ഇന്ത്യ തയ്യാറായില്ലെന്നും റോയി പറയുന്നു.
English Summary :
A British Airways pilot has been suspended after leaving the cockpit door open during a transatlantic flight, raising serious security concerns. Reports suggest that the incident violated anti-terrorism regulations and endangered both passengers and crew.
