കോഴിക്കോട് ഇന്നലെ നടന്ന സിപിഐഎം നേതാവ് പിവി സത്യനാഥന്റെ കൊലപാതകത്തിൽ സിപിഐഎം നേതാക്കൾക്കെതിരെ ബിജെപി പരാതി നൽകി. എം സ്വരാജ്, എം വിജിൻ എംഎൽഎ എന്നിവർക്കെതിരെ കലാപ ആഹ്വാനത്തിന് കേസെടുക്കണമെന്ന് പരാതിയിൽ പറയുന്നു. കൊലപാതകത്തിന് പിന്നിൽ ആർഎസ്എസ് എന്ന് പ്രചരിപ്പിച്ചു എന്നാണ് പരാതി. എം സ്വരാജ്, എം വിജിൻ എന്നിവർ സത്യനാഥന്റെ കൊലപാതകത്തിന് പിന്നിൽ ആർഎസ്എസ് എന്ന് ഫേസ്ബുക്കിൽ പോസ്റ്റ് ചെയ്തിരുന്നു. പിന്നീട് പോസ്റ്റ് തിരുത്തിയിരുന്നു. കോഴിക്കോട് സിറ്റി പോലീസ് കമ്മീഷണർക്ക് ആണ് പരാതി നൽകിയത്. എം സ്വരാജ് അടക്കമുള്ളവർ ഫേസ് ബുക്ക് പോസ്റ്റ് തിരുത്തിയതിനെതിരെ രാഹുൽ മാങ്കൂട്ടത്തിൽ അടക്കമുള്ളവരും രംഗത്തെത്തിയിരുന്നു.

Read Also: പൂഞ്ഞാർ പള്ളിയിൽ വൈദികനെ ആക്രമിച്ച സംഭവത്തിൽ ആറുപേർ കസ്റ്റഡിയിൽ; ആർക്കും ലൈസൻസില്ല; നിർണ്ണായക വിവരങ്ങൾ: