പ്രവാസികളെ വിട്ടൊഴിയാതെ അറേബ്യൻ ഭാഗ്യദേവത; ഇക്കുറി കടാക്ഷം ലഭിച്ചത് മലയാളി നഴ്സിന്
അബുദാബി∙ പ്രവാസികളെ വിട്ടൊഴിയാതെ അറേബ്യൻ ഭാഗ്യദേവത. ഇക്കുറി ഭാഗ്യം തേടിയെത്തിയത് മലയാളി നഴ്സായ ടിന്റു ജെസ്മോണിനെയാണ്.
ബിഗ് ടിക്കറ്റ് നറുക്കെടുപ്പിലൂടെ ടിന്റുവിന് ഒരു ലക്ഷം ദിർഹം (ഏകദേശം 22 ലക്ഷം രൂപ) സമ്മാനം ലഭിച്ചു.
അജ്മാനിൽ ജോലി ചെയ്യുന്ന ടിന്റുവിന് ബിഗ് ടിക്കറ്റ് സീരീസ് 281-ലാണ് ഭാഗ്യം ലഭിച്ചത്. 40 വയസ്സുകാരിയായ ടിന്റു കഴിഞ്ഞ 15 വർഷമായി യുഎഇയിൽ പ്രവാസ ജീവിതം നയിച്ചുവരികയാണ്.
പത്ത് സുഹൃത്തുക്കളുമായി ചേർന്ന് നവംബർ 30-ന് എടുത്ത 522882 നമ്പർ ടിക്കറ്റാണ് വിജയിയായത്.
സുഹൃത്തുക്കളുടെ നിർദേശത്തിലൂടെയാണ് ബിഗ് ടിക്കറ്റിനെക്കുറിച്ച് ടിന്റു അറിഞ്ഞത്. തുടർന്ന് അഞ്ച് വർഷങ്ങൾക്ക് മുൻപാണ് നറുക്കെടുപ്പുകളിൽ പങ്കെടുത്തുതുടങ്ങിയത്.
പലതവണ ഭാഗ്യം കൈവിട്ടെങ്കിലും പ്രതീക്ഷ കൈവിടാതിരുന്ന ടിന്റുവിനെ ഒടുവിൽ വിജയനിമിഷം തേടിയെത്തുകയായിരുന്നു.
ലഭിച്ച സമ്മാനത്തുക പത്ത് സുഹൃത്തുക്കൾക്കൊപ്പം സമനിലയിൽ പങ്കിടുമെന്ന് ടിന്റു അറിയിച്ചു.
ഇനിയും ബിഗ് ടിക്കറ്റ് നറുക്കെടുപ്പുകളിൽ പങ്കെടുക്കുമെന്നും വരാനിരിക്കുന്ന വലിയ നറുക്കെടുപ്പുകളെ പ്രതീക്ഷയോടെ കാത്തിരിക്കുകയാണെന്നും ടിന്റു പറഞ്ഞു.
English Summary
Arabian luck smiled on an Indian expatriate nurse as Malayali nurse Tintu Jesmon won AED 100,000 in the Abu Dhabi Big Ticket draw. Working in Ajman, Tintu won the prize in Series 281 after five years of participation. The winning ticket was purchased jointly with ten friends, and the prize money will be shared equally among them.
Big Ticket Luck Smiles on Malayali Nurse
Abu Dhabi, Big Ticket, Malayali Nurse, UAE, Lottery, Expat Life, Prize Money, Ajman
