കരുതിയിരിക്കുക! ആകർഷകമായ ജോലി വാഗ്ദാനങ്ങൾക്ക് പിന്നിലെ ചതിക്കുഴികൾ..സഹോദരിമാർ ഉൾപ്പെട്ട സെക്സ് റാക്കറ്റ് പിടിയിൽ!
ഭോപ്പാൽ:
മദ്ധ്യപ്രദേശ് തലസ്ഥാനമായ ഭോപ്പാലിൽ സെക്സ് റാക്കറ്റ് നടത്തിപ്പുമായി ബന്ധപ്പെട്ട കേസിൽ രണ്ട് സഹോദരിമാർ അറസ്റ്റിലായി.
ജോലി വാഗ്ദാനം ചെയ്ത് യുവതികളെ വഞ്ചിക്കുകയും നിർബന്ധിത മതപരിവർത്തനത്തിനും ലൈംഗിക ചൂഷണത്തിനും ഇരയാക്കുകയും ചെയ്തെന്ന പരാതിയിലാണ് അമ്രീൻ, ആഫ്രീൻ എന്നീ സഹോദരിമാർക്കെതിരെ പൊലീസ് കേസെടുത്തത്.
കേസിലെ സഹായിയായ ചന്ദൻ യാദവ് എന്ന യുവാവിനെയും പൊലീസ് അറസ്റ്റ് ചെയ്തു. കേസിൽ ഉൾപ്പെട്ട ബിലാൽ, ചന്നു, യാസിർ എന്നിവർക്കായി തെരച്ചിൽ തുടരുകയാണ്. തട്ടിപ്പിനിരയായ രണ്ട് യുവതികളുടെ പരാതിയുടെ അടിസ്ഥാനത്തിലാണ് നടപടി.
സാമ്പത്തികമായി പിന്നാക്കം നിൽക്കുന്ന പെൺകുട്ടികളെയാണ് സംഘം ലക്ഷ്യമിട്ടിരുന്നതെന്ന് പൊലീസ് വ്യക്തമാക്കി. പ്രതിമാസം 10,000 രൂപ ശമ്പളം, താമസം, ഭക്ഷണം എന്നിവ വാഗ്ദാനം ചെയ്ത് ജോലി നൽകാമെന്ന പേരിൽ യുവതികളെ സമീപിക്കുകയും പിന്നീട് പാർട്ടികളിലും പമ്പുകളിലും എത്തിച്ച് സമ്പന്നരായ പുരുഷന്മാരുമായി ഇടപഴകാൻ നിർബന്ധിക്കുകയുമായിരുന്നു. യുവതികൾക്ക് ലഹരിമരുന്ന് നൽകിയിരുന്നുവെന്നും എഫ്ഐആറിൽ പറയുന്നു.
പരാതിക്കാരിൽ ഒരാൾ ഛത്തീസ്ഗഡ് സംസ്ഥാനത്തിലെ മുംഗേലി ജില്ലയിൽ ബ്യൂട്ടീഷ്യനായി ജോലി ചെയ്യുന്ന യുവതിയാണ്.
2025 ഡിസംബറിൽ ജോലിക്കെന്ന വ്യാജേന ഇവരെ അഹമ്മദാബാദ് നഗരത്തിലേക്ക് കൊണ്ടുപോയി അമ്രീന്റെ ബന്ധുവായ യാസിർ പീഡിപ്പിച്ചതായും പരാതിയിൽ പറയുന്നു.
മറ്റൊരു പരാതിക്കാരി അമ്രീന്റെ വീട്ടിൽ ജോലി ചെയ്തിരുന്ന യുവതിയാണ്. ഇവരെ ചന്ദൻ യാദവ് പീഡിപ്പിച്ചെന്നും മതം മാറാൻ നിർബന്ധിച്ചെന്നുമാണ് പരാതി. മതപരിവർത്തനം ഉൾപ്പെടെയുള്ള കുറ്റകൃത്യങ്ങളാണ് എഫ്ഐആറിൽ രേഖപ്പെടുത്തിയിരിക്കുന്നത്.
പ്രതികളുടെ മൊബൈൽ ഫോണുകളിൽ നിന്ന് ഫോട്ടോകൾ അടക്കമുള്ള തെളിവുകൾ പൊലീസ് ശേഖരിച്ചു. ഇത് അന്തർസംസ്ഥാന ശൃംഖലയാണോയെന്ന് പൊലീസ് അന്വേഷണം നടത്തിവരികയാണ്.
English Summary
Two sisters were arrested in Bhopal, Madhya Pradesh, for allegedly running a sex racket by luring economically vulnerable women with job offers, forcing religious conversion, and subjecting them to sexual exploitation. A male accomplice was also arrested, while three other suspects are absconding. Police are probing whether the gang is part of an inter-state network.
bhopal-sex-racket-two-sisters-arrested-forced-conversion-job-scam
Bhopal sex racket, Madhya Pradesh crime news, forced religious conversion case, job offer scam, women trafficking case, inter state crime network, police investigation
