സമീപകാലത്ത് മറ്റൊരു മലയാള സിനിമയ്ക്കും സാധിക്കാത്ത തരത്തില് പ്രേക്ഷകരെ രണ്ട് ധ്രുവങ്ങളായി വിഭജിച്ചുകൊണ്ടാണ് ദിലീപ് ചിത്രം ‘ഭഭബ’ തിയേറ്ററുകളിലെത്തിയത്.
കുറ്റവിമുക്തിക്ക് ശേഷം ആദ്യ റിലീസ്: ദിലീപിന് ‘ഭഭബ’ നിർണായക പരീക്ഷണം
നടി ആക്രമിക്കപ്പെട്ട കേസില് കുറ്റവിമുക്തനായ ശേഷം പുറത്തിറങ്ങുന്ന ദിലീപിന്റെ ആദ്യ റിലീസ് എന്ന നിലയില് ചിത്രം ആരാധകര്ക്ക് ആഘോഷമായപ്പോള്,
അതിജീവിതയ്ക്ക് പിന്തുണ പ്രഖ്യാപിക്കുന്നവര് സിനിമയ്ക്കും അതിലൂടെ ദിലീപിന് ലഭിക്കുന്ന സ്വീകാര്യതയ്ക്കുമെതിരെ ശക്തമായ നിലപാടുകളാണ് ഉയര്ത്തുന്നത്.
മാറിയ മലയാള സിനിമാ സാഹചര്യത്തില് തന്റെ സ്ഥാനം വീണ്ടെടുക്കുക എന്ന വലിയ ലക്ഷ്യത്തോടെയാണ് ദിലീപ് ‘ഭഭബ’യുമായി എത്തുന്നത്.
എന്നാല് പുതിയ കാലത്തെ സിനിമകളോട് താരത്തിന്റെ ശൈലി പൊരുത്തപ്പെടുമോ എന്ന സംശയം ചിത്രത്തിന്റെ പ്രഖ്യാപനം മുതല് തന്നെ സിനിമാ പ്രേമികളും നിരൂപകരും ഉന്നയിച്ചിരുന്നു.
റിലീസിന് ശേഷം ലഭിക്കുന്ന പ്രതികരണങ്ങള് ഈ സംശയങ്ങളെ കൂടുതല് ശക്തമാക്കുന്ന തരത്തിലാണ്.
ആദ്യ ഷോയ്ക്ക് പിന്നാലെ സോഷ്യല് മീഡിയയില് ദിലീപ് ആരാധകരുടെ ആഘോഷമായിരുന്നു. ലോജിക്കും തലച്ചോറും മാറ്റിവെച്ച് കണ്ടാല് ഇഷ്ടപ്പെടും, മുഴുനീള മാഡ്നസ് എന്നിങ്ങനെയായിരുന്നു ഫാന്സ് പ്രതികരണം.
എന്നാല് സമയം കടന്നതോടെ പുറത്ത് വന്ന റിവ്യൂകള് ചിത്രത്തിന് അനുകൂലമല്ലെന്ന സൂചനയാണ് നല്കുന്നത്.
വിനീത്–ധ്യാൻ–ലാലേട്ടൻ: വൻ താരനിരയുണ്ടായിട്ടും പ്രതികരണം മിശ്രം
വിനീത് ശ്രീനിവാസന്, ധ്യാന് ശ്രീനിവാസന് എന്നിവര്ക്കൊപ്പം മോഹന്ലാല് അതിഥി വേഷത്തിലെത്തുന്നുവെന്നതാണ് ചിത്രത്തിന്റെ പ്രധാന ആകര്ഷണമായി പ്രമോഷനുകളില് മുന്നോട്ട് വെച്ചത്.
എന്നാല് ലാലേട്ടനെ കൊണ്ടും ചിത്രത്തെ രക്ഷിക്കാനായില്ല എന്നാണ് ഒരു വിഭാഗം പ്രേക്ഷകരുടെ വിലയിരുത്തല്.
തമിഴ് ‘ദളപതി’ റഫറൻസുകൾ സിനിമയ്ക്ക് തിരിച്ചടിയായോ?
തമിഴകത്തെ ‘ദളപതി’ റഫറന്സുകളും അമിത ഗിമ്മിക്കുകളും സിനിമയെ കൂടുതല് ദുര്ബലമാക്കിയെന്നാണ് സോഷ്യല് മീഡിയ വിമര്ശനം.
ആറാട്ട് പോലൊരു ക്രിഞ്ച് ഫെസ്റ്റ് ലോജിക് ഒന്നുമില്ലാത്ത പടം പിആര് തള്ള് മാത്രമാണ് തുടങ്ങിയ കമന്റുകളാണ് പല റിവ്യൂകളിലും നിറയുന്നത്.
ചിലര് തുറന്നടിച്ച് ചിത്രം കാണാന് പോലും തയ്യാറാകില്ലെന്ന നിലപാടിലാണ്.
അങ്ങിനെയാകുമ്പോള്, ‘ഭഭബ’ ദിലീപിന്റെ തിരിച്ചുവരവിന്റെ ടേണിംഗ് പോയിന്റാകുമോ, അതോ വിവാദങ്ങളുടെ മറ്റൊരു അധ്യായമാകുമോ എന്നത് വരും ദിവസങ്ങളിലെ പ്രേക്ഷക പ്രതികരണങ്ങള് വ്യക്തമാക്കും.
English Summary
Bhbhb, Dileep’s comeback film after his legal acquittal, has sparked intense polarization among audiences. While fans celebrate the release, critics and a section of viewers strongly oppose the film, calling it illogical and gimmick-driven. Despite massive promotions and a Mohanlal cameo, audience reactions remain largely mixed to negative, making Bhbhb a crucial test for Dileep in the evolving Malayalam cinema landscape.
പഴയ ഇരിപ്പിടം തിരിച്ചുപിടിക്കുമെന്ന് ഉറപ്പിച്ച് ദിലീപ്; ‘ഭ ഭ ബ’ ഉച്ചവരെ കളക്ഷൻ 81 ലക്ഷം
