വയനാട്ടിലെ പ്രകൃതി ദുരന്ത മേഖലയിൽ കുഞ്ഞുങ്ങൾക്ക് മുലയൂട്ടിയ ഇടുക്കി ഉപ്പുതറ സ്വദേശിനി ഭാവന സജിനും കുടുംബത്തിനും കട്ടപ്പനയിൽ ഹൈറേഞ്ച് ബസ് സൗഹൃദ സംഘത്തിന്റെ സ്നേഹാദരം. (Bhavana and family are covered with love by her birth place)
സമൂഹ മാധ്യമങ്ങളിലെ നെഗറ്റീവ് കമന്റുകൾ വകവയ്ക്കാതെ വയനാട്ടിലെത്തിയ ഭാവന ഉറ്റവർ നഷ്ടപ്പെട്ട കുഞ്ഞുങ്ങളെ മുലയൂട്ടുകയായിരുന്നു. ദുരന്തത്തിൽപെട്ട് ഉറ്റവർ നഷ്ടപ്പെട്ട കുഞ്ഞുങ്ങളുടെ ദൈന്യത കണ്ട സജിൻ തന്റെ കുഞ്ഞുങ്ങളേപ്പോലെ ദുരന്ത ബാധിത പ്രദേശങ്ങളിലെ കുട്ടികൾക്കും പാലൂട്ടാൻ ഭാര്യ ഭാവന തയ്യാറാണെന്ന് സമൂഹ മാധ്യമങ്ങളിലൂടെ അറിയിക്കുകയായിരുന്നു.
തുടർന്ന് ഇരുവരും വയനാട്ടിലേക്ക് പുറപ്പെട്ടു. ആദരിക്കൽ ചടങ്ങ് നഗരസഭാധ്യക്ഷ ബീനാടോമി ഉദ്ഘാടനം ചെയ്തു. ഓരാൾക്കെങ്കിലും തങ്ങളെക്കൊണ്ട് ഉപകാരം കിട്ടിയിട്ടുണ്ടെങ്കിൽ സമൂഹ മാധ്യമങ്ങളിലെ നെഗറ്റീവ് കമന്റ് അവിടെത്തീർന്നെന്ന് സജിൻ പറഞ്ഞു.
