നെതന്യാഹുവിന് നേരെ കൂക്കിവിളി
യുഎൻ പൊതുസഭയിൽ സംസാരിക്കാനെത്തിയ ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹുവിനെതിരെ കൂക്കിവിളി. പല രാജ്യങ്ങളുടെയും പ്രതിനിധികളിൽ ഭൂരിഭാഗവും ഇറങ്ങിപ്പോകുകയും ചെയ്തു.
നെതന്യാഹുവിന്റെ അഭിസംബോധനയ്ക്കിടെയാണ് സംഭവം. ഇറാന്റെ നേതൃത്വത്തിലുള്ള അച്ചുതണ്ട് ഇസ്രയേലിനെ അസ്ഥിരമാക്കാൻ ശ്രമിക്കുകയാണെന്ന് നെതന്യാഹു യുഎൻ വേദിയിൽ ആരോപിച്ചു.
ഇറാന്റെ ഭീഷണി താനും അമേരിക്കൻ പ്രസിഡന്റ് ട്രംപും ചേർന്ന് ഇല്ലാതാക്കിയെന്നും അദ്ദേഹം കൂട്ടിച്ചേർത്തു. ഹമാസ് ബന്ദികളാക്കിയവരെ തിരിച്ചെത്തിക്കാതെ തനിക്ക് വിശ്രമിക്കില്ലെന്നും നെതന്യാഹു പറഞ്ഞു.
“ധീരരായ പോരാളികളേ, ഇത് പ്രധാനമന്ത്രി നെതന്യാഹു ആണ്. ഞങ്ങൾ നിങ്ങളെ മറന്നിട്ടില്ല. നിങ്ങളെ തിരിച്ചെത്തിക്കാതെ ഞങ്ങൾ വിശ്രമിക്കില്ല,” — ഇസ്രയേലി ബന്ദികൾക്ക് ഹീബ്രു ഭാഷയിൽ നെതന്യാഹു സന്ദേശം നൽകി.
“നിങ്ങളുടെ ആയുധങ്ങൾ താഴെ വയ്ക്കൂ… ഞങ്ങളുടെ ബന്ദികളെ വിട്ടയക്കൂ… ഇല്ലെങ്കിൽ നിങ്ങളെ ഇസ്രയേൽ വേട്ടയാടി ഇല്ലാതാക്കും,” — ഹമാസിന് മുന്നറിയിപ്പും അദ്ദേഹം നൽകി.
Summary: Israeli Prime Minister Benjamin Netanyahu faced strong protests at the UN General Assembly. Delegates from several countries walked out as he began his speech, raising global attention.
