മാധ്യമപ്രവർത്തകനെ ഗുസ്തിക്ക് വെല്ലുവിളിച്ച് ബാബ രാംദേവ്; എളുപ്പത്തിൽ ജയിക്കാമെന്ന് കരുതിയ ബാബയ്ക്ക് കിട്ടിയ എട്ടിന്റെ പണി
ബാബ രാംദേവും മാധ്യമപ്രവർത്തകനും തമ്മിൽ വേദിയിൽ നടന്ന ഗുസ്തി മത്സരത്തിന്റെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
പ്രമുഖ മാധ്യമസ്ഥാപനം സംഘടിപ്പിച്ച ചടങ്ങിനിടെയായിരുന്നു 59കാരനായ രാംദേവ് വേദിയിലുണ്ടായിരുന്ന എഡിറ്ററെ ഗുസ്തിക്ക് വെല്ലുവിളിച്ചത്.
എന്നാൽ താൻ വെല്ലുവിളിച്ചത് സാധാരണക്കാരനെയല്ല, മറിച്ച് ഗുസ്തി പാരമ്പര്യമുള്ള കുടുംബത്തിൽ നിന്നുള്ള ഒരാളെയാണെന്ന് രാംദേവ് വൈകിയാണ് തിരിച്ചറിഞ്ഞത്.
ബാബ രാംദേവ്യും ഒരു മാധ്യമപ്രവർത്തകനും തമ്മിൽ വേദിയിൽ നടന്ന അപ്രതീക്ഷിത ഗുസ്തി മത്സരത്തിന്റെ ദൃശ്യങ്ങളാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
പ്രമുഖ മാധ്യമസ്ഥാപനം സംഘടിപ്പിച്ച ചടങ്ങിനിടെയായിരുന്നു 59 വയസ്സുള്ള രാംദേവ് വേദിയിലുണ്ടായിരുന്ന എഡിറ്ററെ ഗുസ്തിക്ക് വെല്ലുവിളിച്ചത്.
എന്നാൽ, താൻ വെല്ലുവിളിച്ചത് സാധാരണക്കാരനെയല്ല, ശക്തമായ ഗുസ്തി പാരമ്പര്യമുള്ള കുടുംബത്തിൽ നിന്നുള്ള ഒരാളെയാണെന്ന് രാംദേവ് പിന്നീട് മാത്രമാണ് തിരിച്ചറിഞ്ഞത്.
മധ്യപ്രദേശിലെ ഇൻഡോറിൽ നിന്നുള്ള മാധ്യമപ്രവർത്തകനായ ജയദീപ് കർണിക് ആയിരുന്നു രാംദേവിന്റെ എതിരാളി. രാംദേവ് മത്സരം ജയിക്കാൻ ശ്രമിച്ചെങ്കിലും ജയദീപ് വഴങ്ങാൻ തയ്യാറായില്ല.
ഇടയ്ക്കിടെ രാംദേവ് ജയദീപിനെ നിലത്താഴ്ത്തിയെങ്കിലും, തന്ത്രപരമായ നീക്കങ്ങളിലൂടെ അദ്ദേഹം തിരിച്ചുവന്നു.
ഒടുവിൽ മത്സരം സൗഹൃദപരമായി അവസാനിക്കുകയും ഇരുവരും ചിരിച്ചുകൊണ്ട് കൈകൊടുത്ത് പിരിയുകയും ചെയ്തു.
ജയദീപ് കർണിക്കിന്റെ കുടുംബം ശക്തമായ ഗുസ്തി പാരമ്പര്യമുള്ളതാണ്. അദ്ദേഹത്തിന്റെ പിതാവ് സുഭാഷ് കർണിക് മധ്യപ്രദേശിലെ പ്രശസ്തനായ ഗുസ്തിക്കാരനായിരുന്നു.
മുത്തച്ഛൻ രംഗനാഥും പേരുകേട്ട ഗുസ്തിക്കാരനായിരുന്നു. വീഡിയോ വൈറലായതോടെ സംഭവത്തെക്കുറിച്ച് സോഷ്യൽ മീഡിയയിൽ സമ്മിശ്ര പ്രതികരണങ്ങളാണ് ഉയരുന്നത്.
“ഈ പ്രായത്തിലും ബാബ രാംദേവിന്റെ ശാരീരികക്ഷമത അതിശയിപ്പിക്കുന്നതാണ്” എന്ന് ചിലർ അഭിപ്രായപ്പെടുമ്പോൾ, “എളുപ്പത്തിൽ ജയിക്കാമെന്ന് കരുതിയ ബാബയ്ക്ക് കിട്ടിയ എട്ടിന്റെ പണിയാണ് ഇത്” എന്ന് മറ്റുചിലർ പരിഹസിക്കുന്നു.
മുമ്പ് ഒളിമ്പിക് മെഡൽ ജേതാവായ സുശീൽ കുമാർ ഉൾപ്പെടെയുള്ള പ്രമുഖ ഗുസ്തിക്കാരുമായി രാംദേവ് ഗുസ്തി പിടിച്ചിട്ടുമുണ്ട്. ശാരീരികക്ഷമതയും സ്റ്റാമിനയും വർധിപ്പിക്കാൻ ഗുസ്തി മികച്ച വ്യായാമമാണെന്ന നിലപാടിലാണ് രാംദേവ്.
English Summary
A video of yoga guru Baba Ramdev engaging in a friendly wrestling match with a journalist on stage has gone viral on social media. The incident took place during an event organized by a leading media house, where Ramdev challenged editor Jaydeep Karnik—later realizing that Karnik comes from a family with a strong wrestling legacy. The match ended on a light-hearted note, drawing mixed reactions online, with many praising Ramdev’s fitness while others mocked the unexpected challenge he faced.
baba-ramdev-wrestling-journalist-viral-video
Baba Ramdev, Viral video, Wrestling match, Media event, Social media trends, Indian yoga guru, Journalist news, Fitness and wrestling
