പാലക്കാട്: ഒറ്റപ്പാലം അമ്പലപ്പാറയിൽ കാറിലെത്തിയ സംഘം യുവാവിനെ തട്ടിക്കൊണ്ടുപോകാൻ ശ്രമിച്ചതായി പരാതി. അമ്പലപ്പാറ പൊട്ടച്ചിറ സന്തോഷിനെയാണ് തട്ടിക്കൊണ്ടുപോകാൻ ശ്രമിച്ചത്. സന്തോഷിന്റെ വീടിന് സമീപത്തുവെച്ചാണ് സംഭവം. പരാതിയെത്തുടർന്ന് ഒറ്റപ്പാലം പൊലീസ് കേസെടുത്ത് അന്വേഷണം ആരംഭിച്ചു.(Attempt to kidnap young man)
ഇന്നലെ രാവിലെയാണ് സംഭവം. വീട്ടിൽ നിന്ന് ബൈക്കിൽ പുറത്തിറങ്ങിയ സന്തോഷിന്റെ മുന്നിൽ സ്കോർപ്പിയോ കാർ കുറുകെ നിർത്തുകയായിരുന്നു. കാറിൽ എത്തിയ സംഘം സന്തോഷിനെ ആക്രമിച്ച ശേഷം ബലമായി വണ്ടിയിൽ പിടിച്ചു കയറ്റാൻ ശ്രമിച്ചു. തുടർന്ന് സന്തോഷ് സമീപത്തെ വീട്ടിലേക്ക് ഓടിക്കയറി രക്ഷപ്പെടുകയായിരുന്നു.
കാറിൽ അഞ്ച് പേരാണ് ഉണ്ടായിരുന്നതെന്ന് സന്തോഷ് പറഞ്ഞു. ഇവർ ആരാണെന്നോ എന്താണ് ഉദേശ്യമെന്നോ അറിയില്ലെന്ന് സന്തോഷ് പൊലീസിനെ അറിയിച്ചു. കഴിഞ്ഞ രണ്ട് ദിവസമായി ഈ കാർ പ്രദേശത്ത് കറങ്ങി നടക്കുന്നതായി സിസിടിവി ദൃശ്യങ്ങളിൽ നിന്ന് വ്യക്തമായിട്ടുണ്ട്.
Read Also: 20.06.2024. 11 AM . ഇന്നത്തെ പ്രധാനപ്പെട്ട 10 വാർത്തകൾ
Read Also: തേൻ കോളയുമായി ഹോർട്ടികോർപ്പ്; വില 20 രൂപ;എല്ലാ ജില്ലകളിലും ലഭ്യമാക്കും
