അഗ്നിശ്വര മഹാദേവക്ഷേത്രത്തിൽ അഭിഷേകത്തിന് വെള്ളമെടുക്കുന്നതിനിടെ അപകടം; കീഴ്ശാന്തി കിണറ്റിൽ വീണ് മരിച്ചു
തിരുവനന്തപുരം: അട്ടക്കുളങ്ങര അഗ്നിശ്വര മഹാദേവക്ഷേത്രത്തിലെ അഭിഷേക ചടങ്ങുകൾക്കായി വെള്ളം കോരുന്നതിനിടെ കിണറ്റിൽ വീണ് കീഴ്ശാന്തി നവനീത് (20) മരിച്ചു.
ശനിയാഴ്ച രാവിലെ ഉണ്ടായ അപകടത്തിൽ, ഏകദേശം 22 അടി ആഴമുള്ള കിണറ്റിലേക്കാണ് നവനീത് വീണത്.
ക്ഷേത്രത്തിലെ മേൽശാന്തിയുടെ മകനായ നവനീത്, അച്ഛനെ സഹായിക്കാനായി രണ്ടാം വർഷ ബിരുദ വിദ്യാർത്ഥിയായിരിക്കെ കീഴ്ശാന്തിയായി സേവനം ചെയ്തുവരികയായിരുന്നു.
വെള്ളം എടുക്കുന്നതിനിടെ പെട്ടെന്ന് ദേഹാസ്വാസ്ഥ്യമോ അപസ്മാരമോ ഉണ്ടായിരിക്കാമെന്ന സംശയത്തിലാണ് അപകടം സംഭവിച്ചതെന്ന് അധികൃതർ അറിയിച്ചു.
ശബ്ദം കേട്ട് എത്തിയ നാട്ടുകാരും ക്ഷേത്ര ജീവനക്കാരും ഉടൻ തന്നെ രക്ഷാപ്രവർത്തനം നടത്തി നവനീതിനെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
തുടർന്ന് അഗ്നിരക്ഷാസേന സ്ഥലത്തെത്തി. ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി ജനറൽ ആശുപത്രിയിലേക്ക് മാറ്റി.
English Summary:
A 20-year-old temple assistant priest, Navaneeth, died after falling into a well while drawing water for abhishekam rituals at the Attakulangara Agnishwara Mahadeva Temple in Thiruvananthapuram. The incident occurred on Saturday morning, and a sudden illness or seizure is suspected as the cause of the fall.
attakulangara-temple-assistant-priest-dies-well-accident
Attakulangara Temple, Thiruvananthapuram, temple accident, assistant priest death, well fall, abhishekam, Kerala news
