തൃശൂരിന് പിന്നാലെ വള്ളികുന്നം കാഞ്ഞിരത്തുംമൂട്ടിലും എടിഎം കവര്ച്ചാ ശ്രമം. തൃശൂരിലെ എടിഎം കവര്ച്ചയുടെ ഞെട്ടല് വിട്ടുമാറും മുന്പാണ് സംഭവം. വിരലടയാള വിദഗ്ധര് അടക്കം എത്തി തെളിവ് ശേഖരം നടത്തി. ATM robbery attempt in Alappuzha after Thrissur
എസ്ബിഐ ബാങ്കിനോട് ചേര്ന്നുള്ള എടിഎമ്മിലാണ് മോഷണ ശ്രമം നടന്നത്. അര്ദ്ധരാത്രിയോടെയാണ് കള്ളന് എത്തിയത്. എന്നാൽ, അലാറാം അടിച്ചതോടെ കള്ളന് രക്ഷപ്പെട്ടു.
കവര്ച്ചാശ്രമം തുടങ്ങി നിമിഷങ്ങള്ക്കകം അലാറം അടിച്ചതോടെ കള്ളന് പുറത്തേയ്ക്ക് ഇറങ്ങി ഓടി രക്ഷപ്പെടുകയായിരുന്നു. മുഖംമൂടി ധരിച്ച് സ്കൂട്ടറില് എത്തിയ കള്ളന്റെ ദൃശ്യങ്ങള് സിസിടിവിയില് പതിഞ്ഞിട്ടുണ്ട്.
അലാറം അടിച്ചതോടെ കണ്ട്രോള് റൂമില് വിവരം ലഭിച്ചു. കണ്ട്രോള് റൂമാണ് ബന്ധപ്പെട്ട പോലീസ് സ്റ്റേഷനില് വിവരം അറിയിച്ചത്.സംഭവത്തില് പോലീസ് അന്വേഷണം ആരംഭിച്ചു.
