ജനീവ: ആഗോള ആയുർദൈർഘ്യം ഒരു ദശാബ്ദത്തിനിടയിലെ ഏറ്റവും താഴ്ന്ന നിലയിലെന്ന് ലോകാരോഗ്യ സംഘടന. കോവിഡ് മഹാമാരിക്ക് ശേഷം നിലവിലെ ശരാശരി ആയുർദൈർ​​ഘ്യം 71.4 വയസായി കുറഞ്ഞെന്നാണ് റിപ്പോർട്ട്.

2019 നും 2021 നും ഇടയിൽ മനുഷ്യന്റെ ആയുസിൽ 1.8 വർഷത്തെ കുറവാണ് രേഖപ്പെടുത്തിയിരിക്കുന്നത്. സമാനമായി ആരോ​ഗ്യത്തോടെയുള്ള ജീവിതകാലയളവ് 1.5 വർഷം കുറഞ്ഞ് 61.9 വർഷമായെന്നും റിപ്പോർട്ടിൽ പറയുന്നു. അമേരിക്കയേയും തെക്കുകിഴക്കൻ ഏഷ്യയേയുമാണ് ഇത് കൂടുതൽ ബാധിച്ചത്. ഇരു ഭൂഖണ്ഡങ്ങളിലേയും ആയുർദൈർഘ്യം ഏകദേശം 3 വർഷം കുറഞ്ഞിട്ടുണ്ട്

ഒരു ദശാബ്ദകാലം കൊണ്ട് ആരോ​ഗ്യരം​ഗത്തുണ്ടാക്കിയ നേട്ടങ്ങൾ കോവിഡ് -19 മഹാമാരി തകർത്തെന്ന്, ലോകാരോഗ്യ സംഘടന ഡയറക്ടർ ജനറൽ ടെഡ്രോസ് അദാനോം ഗെബ്രിയേസസ് പറഞ്ഞു. കോവിഡ് മൂലം 1.3 കോടിയിലധികം ജീവനുകൾ നഷ്ടപ്പെട്ടതായും അദ്ദേഹം ചൂണ്ടിക്കാട്ടി.

Read Also:പെരുമഴയിൽ റോഡും പാലവും വെള്ളത്തിനടിയിൽ; മൃതദേഹം ചുമന്ന് വീട്ടിലെത്തിക്കേണ്ട ഗതികേടിൽ ബന്ധുക്കൾ; ദുരവസ്ഥ തിരുവല്ലയിൽ