പാലക്കാട്: ശ്രീകൃഷ്ണപുരം സെയ്ന്റ് ഡൊമിനിക്സ് ഇംഗ്ലീഷ് മീഡിയം സ്കൂളിലെ ഒന്പതാംക്ലാസ് വിദ്യാര്ഥിനിയെ ജീവനൊടുക്കിയ നിലയില് കണ്ടെത്തിയ സംഭവത്തില് മൂന്ന് അധ്യാപകര്ക്കെതിരെ നടപടി. സ്കൂളിലെ പ്രിന്സിപ്പലുള്പ്പെടെ മൂന്ന് അധ്യാപകരെ മാനേജ്മെന്റ് പുറത്താക്കി.
ഒന്പതാംക്ലാസ് വിദ്യാര്ഥിനി ആശിര്നന്ദ (14)യുടെ മരണത്തിലാണ് നടപടി. കുട്ടിയുടെ കാരണം സ്കൂളധികൃതരുടെ മാനസികപീഡനമാണെന്ന ആരോപണങ്ങളുടെ പശ്ചാത്തലത്തിലാണ് അധ്യാപകർക്കെതിരെ നടപടിയെടുത്തത്.
കുട്ടിയുടെ മരണത്തിന് പിന്നാലെ രക്ഷിതാക്കളും വിദ്യാര്ഥി, രാഷ്ട്രീയ സംഘടനാ പ്രവര്ത്തകരും സ്കൂളിലേക്ക് പ്രതിഷേധവുമായി എത്തിയിരുന്നു.
തിങ്കളാഴ്ച സ്കൂള് വിട്ടുവന്നതിന് പിന്നാലെയാണ് ഒന്പതാംക്ലാസ് വിദ്യാര്ഥിനി ആശിര്നന്ദയെ വീടിന്റെ രണ്ടാംനിലയില് തൂങ്ങി മരിച്ച നിലയില് കണ്ടെത്തിയത്.
മാര്ക്കിന്റെ അടിസ്ഥാനത്തില് കുട്ടിയെ ക്ലാസ് മാറ്റിയിരുന്നതായും ഇതേത്തുടര്ന്നുണ്ടായ മാനസികവിഷമമാണ് ആത്മഹത്യയ്ക്ക് കാരണമെന്നുമാണ് ആരോപണം. എന്നാല്, ആരോപണം തള്ളികൊണ്ട് സ്കൂള് മാനേജ്മെന്റ് കമ്മിറ്റി രംഗത്തെത്തി.
വിദ്യാര്ഥികള്ക്ക് മാനസികസംഘര്ഷമുണ്ടാകുന്ന ഒരു നടപടിയും സ്കൂളിന്റെ ഭാഗത്തുനിന്നുണ്ടായിട്ടില്ലെന്നാണ് മാനേജ്മെന്റ് നൽകുന്ന വിശദീകരണം.
അതിനിടെ, ആശിര്നന്ദ അത്മഹത്യ ചെയ്ത സംഭവത്തിൽ സര്ക്കാര് തലത്തില് ശക്തമായ നടപടി ഉണ്ടാകുമെന്ന് വിദ്യാഭ്യാസ മന്ത്രി വി ശിവന്കുട്ടി അറിയിച്ചു. സംഭവത്തില് ബന്ധപ്പെട്ട് പോലീസ് അന്വേഷണം പുരോഗമിക്കുകയാണ്.
പൊതുവിദ്യാഭ്യാസ വകുപ്പിന്റെ കീഴില് വരുന്ന സ്കൂള് അല്ലെങ്കിലും കുട്ടിയുടെ മരണവുമായി ബന്ധപ്പെട്ട് സി ബി എസ് ഇ നടപടികള് കൈക്കൊള്ളുമെന്നാണ് പ്രതീക്ഷ. ശക്തമായ നടപടികള് ഉണ്ടാകണമെന്നാണ് പൊതുവിദ്യാഭ്യാസ വകുപ്പിന്റെ നിലപാട് എന്നും മന്ത്രി ശിവന്കുട്ടി പ്രസ്താവനയില് അറിയിച്ചു.
Summary: Ashirnanda’s death; Three teachers including the principal dismissed
തെരുവുനായക്ക് വെച്ച വെടി തലയിൽ കൊണ്ടു; വിദ്യാർഥിയുടെ നില ഗുരുതരം
