പുരാവസ്തു തട്ടിപ്പു വീരൻ മോൺസൺ മാവുങ്കലിന്റെ വീട്ടിൽ കവർച്ച; വിലപിടിപ്പുള്ള സാധനങ്ങൾ നഷ്ടമായതായി പരാതി

കൊച്ചി: പുരാവസ്തുക്കൾ മറയാക്കി കോടികൾ തട്ടിയ കേസിൽ പ്രതിയായ മോൺസൺ മാവുങ്കലിന്റെ വീട്ടിൽ കവർച്ച നടന്നതായി പരാതി. മോൺസൻ മാവുങ്കലിന്റെ എറണാകുളം കലൂരിലെ വീട്ടിലാണ് മോഷണം നടന്നത്. ഇയാളുടെ മകൻ മനസ് മോൺസൻ സംഭവത്തിൽ എറണാകുളം നോർത്ത് പൊലീസിൽ പരാതി നൽകി. കഴിഞ്ഞ വെള്ളിയാഴ്ചയാണ് കവർച്ച നടന്നത്. വിലപിടിപ്പുള്ള വസ്തുക്കൾ നഷ്ടമായെന്ന് സംശയമുണ്ടെന്നും പൊലീസിൽ നൽകിയ പരാതിയിൽ പറയുന്നു.