ആറാട്ടുപുഴ പൂരം: ക്ഷേത്രത്തിൽ നെയ് സമർപ്പണം ആരംഭിച്ചു

തൃശൂർ: സഹസ്രാബ്ദങ്ങളുടെ പാരമ്പര്യം പേറുന്ന ആറാട്ടുപുഴ പൂരത്തിന് മുന്നോടിയായി ഭക്തിനിർഭരമായ നെയ് സമർപ്പണ ചടങ്ങുകൾക്ക് തുടക്കമായി.

ലോകത്തിലെ തന്നെ ഏറ്റവും വലിയ ദേവമേളയായ ആറാട്ടുപുഴ പൂരത്തിൻ്റെ വിശുദ്ധി വിളിച്ചോതുന്ന ചടങ്ങിൽ പങ്കുചേരാൻ കേരളത്തിൻ്റെ വിവിധ ഭാഗങ്ങളിൽ നിന്നുള്ള നൂറുകണക്കിന് ഭക്തരാണ് ക്ഷേത്രത്തിലേക്ക് ഒഴുകിയെത്തുന്നത്.

തിരുനടയിൽ നെയ്യിൻ്റെ പരിശുദ്ധി; പതിമൂന്ന് രാപ്പകലുകൾ നെയ്വിളക്കിൻ്റെ പ്രഭയിൽ ആറാട്ടുപുഴ ശാസ്താവ്

ആറാട്ടുപുഴ ക്ഷേത്രത്തിൻ്റെ വിശാലമായ നടപ്പുരയിൽ സജ്ജീകരിച്ചിരിക്കുന്ന വലിയ ഒട്ടുരുളിയിലാണ് ഭക്തർ കൂട്ടമായി നറുനെയ്യ് സമർപ്പിക്കുന്നത്.

ഗ്രാമബലി വരെയുള്ള വരും ദിവസങ്ങളിൽ ശ്രീലകത്തും ക്ഷേത്രത്തിന് ചുറ്റിലുമുള്ള എല്ലാ വിളക്കുകളിലും നെയ്തിരികൾ മാത്രമേ തെളിക്കൂ എന്നതാണ് ഈ ആചാരത്തിൻ്റെ പ്രത്യേകത.

കോതമംഗലത്ത് മാരക ലഹരിമരുന്നുമായി യുവതിയടക്കം രണ്ട് പേർ പിടിയിൽ

സമ്പൂർണ്ണ നെയ് വിളക്കിനും ഉപദേവതമാരുടെ നടകളിലെ വിളക്കുകൾക്കും വേണ്ടിയുള്ള നെയ്യ് ഭക്തർ വഴിപാടായി സമർപ്പിക്കുന്നു.

കൊച്ചിൻ ദേവസ്വം ബോർഡ് പ്രസിഡൻ്റ് കെ രവീന്ദ്രൻ, അംഗം അഡ്വ. കെ പി അജയൻ തുടങ്ങിയ പ്രമുഖർ ചടങ്ങിൽ പങ്കുചേർന്നു.

പെരുവനം ഗ്രാമത്തിൻ്റെ നാലതിരുകളിൽ ഭക്തിപൂർവ്വം നെയ്ക്കടൽ; 22-ന് ഉപക്ഷേത്രങ്ങളിലും വിപുലമായ സമർപ്പണം

ആറാട്ടുപുഴ പൂരത്തിൽ പങ്കെടുക്കുന്ന 23 ദേവീദേവന്മാരുടെ ക്ഷേത്രങ്ങളിലും അനുബന്ധ ക്ഷേത്രങ്ങളിലും മാർച്ച് 22-ന് വിശേഷാൽ നെയ് സമർപ്പണം നടക്കും.

പെരുവനം മഹാദേവക്ഷേത്രം, തിരുവുള്ളക്കാവ് ക്ഷേത്രം തുടങ്ങി ഗ്രാമത്തിൻ്റെ നാലതിരുകളെ വേർതിരിക്കുന്ന കുതിരാൻ, അകമല, എടത്തിരുത്തി, ഉഴുവത്ത് ശാസ്താ ക്ഷേത്രങ്ങളിലടക്കം ഭക്തർക്ക് നെയ്യ് സമർപ്പിക്കാൻ പ്രത്യേക സൗകര്യങ്ങൾ ഒരുക്കിയിട്ടുണ്ട്.

തൃപ്രയാർ തേവർ മുതൽ ഊരകത്തമ്മ വരെ അണിനിരക്കുന്ന പൂരലഹരിയിലേക്ക് ഗ്രാമം ഒന്നടങ്കം തയ്യാറെടുക്കുന്നതിൻ്റെ ഭാഗമായാണ് ഈ സമർപ്പണ ചടങ്ങുകൾ.

English Summary:

The grand Neyy Samarpanam ceremony has commenced at Arattupuzha Sree Sastha Temple as part of the Arattupuzha Pooram. Devotees offer pure ghee in a large ‘Uruli’ placed at the Nadappura. For the next 13 days until Gramabali, only ghee lamps will be lit in the sanctum sanctorum.