6000 വിമാനങ്ങളുടെ യാത്ര മുടക്കിയത് ഒറ്റ തകരാർ
പാരീസ്/ന്യൂഡൽഹി: എയർബസ് എ–320 നിരയിലെ യാത്രാവിമാനങ്ങളിൽ കണ്ടെത്തിയ ഗുരുതര സുരക്ഷാവീഴ്ച ലോകവ്യാപക സർവീസിനെ ബാധിച്ചു.
പെട്ടെന്നുണ്ടാകുന്ന താഴ്ത്തലിന് ഇടയാക്കാവുന്ന കമ്പ്യൂട്ടർ തകരാറിനെ തുടർന്നാണ് ഇന്നലെ വെളുപ്പിന് 6,000 സർവീസുകൾ വരെ നിലച്ചത്.
യാത്ര തുടർന്നവ അപകടം ഒഴിവാക്കുന്നതിനായി ഗമ്യസ്ഥലങ്ങളിൽ തന്നെ പിടിച്ചിട്ടു.
ഇന്ത്യയിൽ ഇൻഡിഗോ, എയർ ഇന്ത്യ, എയർ ഇന്ത്യ എക്സ്‌പ്രസ് എന്നീ കമ്പനികളിലെ 338 വിമാനങ്ങളാണ് ബാധിച്ചത്.
സർവീസുകൾ റദ്ദാക്കിയിട്ടില്ലെങ്കിലും റീഷെഡ്യൂളിംഗ് സംബന്ധിച്ച വ്യക്തത ഇല്ലാതെ യാത്രക്കാർ വലിയ ബുദ്ധിമുട്ടിലാണ്.
അതേസമയം, എത്തിഹാദ്, എയർ അറേബ്യ തുടങ്ങിയവ നിയന്ത്രണം നീക്കി സർവീസ് പുനരാരംഭിച്ചു.
കേരളത്തിലേക്ക് സർവീസ് നടത്തുന്ന നൂറോളം എ 320 വിമാനങ്ങൾ ബാധിക്കപ്പെട്ടതായി ഏവിയേഷൻ വൃത്തങ്ങൾ പറഞ്ഞു.
ഗൾഫ് സർവീസിന് കാര്യമായ ആഘാതമില്ലെങ്കിലും കരിപ്പൂരിൽ നിന്നുള്ള രണ്ട് ഉംറ സർവീസുകൾ മുടങ്ങി.
സോഫ്റ്റ്‌വെയർ അപ്‌ഡേറ്റിലൂടെ 5,100 വിമാനങ്ങളിലെ പിഴവുകൾ പരിഹരിച്ചതായി എയർബസ് അറിയിച്ചു.
പഴയ പതിപ്പിലേക്കുള്ള റോള്ബാക്ക് വഴിയാണ് പ്രശ്നപരിഹാരം. എന്നാൽ, പഴക്കംചെന്ന 900 വിമാനങ്ങൾക്കു ഹാർഡ്‌വെയർ മാറ്റം നിർബന്ധമാണ്.
യൂറോപ്യൻ യൂണിയൻ ഏവിയേഷൻ സേഫ്റ്റി ഏജൻസിയുടെ നിർദ്ദേശപ്രകാരം തന്നെയാണ് സർവീസ് താൽക്കാലികമായി നിർത്തിയത്.
കടുത്ത സൗരവികിരണം ഫ്ലൈറ്റ് കൺട്രോൾ കമ്പ്യൂട്ടറുകളെ ബാധിക്കാമെന്ന മുന്നറിയിപ്പിനെ തുടർന്ന് അടിയന്തര സുരക്ഷാ നടപടി സ്വീകരിക്കുകയായിരുന്നു.
ഇന്ത്യയിലെ എയർലൈനുകൾക്ക് ഇന്ന് വെളുപ്പോടെ എല്ലാത്തകരാറും പരിഹരിക്കണമെന്നു DGCA നിർദ്ദേശിച്ചു.
270 വിമാനങ്ങളുടെ അപ്‌ഗ്രേഡ് ഇന്നലെ രാത്രി പൂർത്തിയായി. ഡൽഹി, മുംബയ്, ബംഗളൂരു, ചെന്നൈ, ഹൈദരാബാദ്, അഹമ്മദാബാദ്, കൊൽക്കത്ത എന്നിവിടങ്ങളിലെ ബേസുകളിലാണ് പ്രവർത്തനം നടന്നത്.
പറക്കലിനിടെ പിഴവ് എങ്ങനെ പ്രകടമായി? (Info Box)
ഒക്ടോബർ 30-ന് ജെറ്റ്‌ബ്ലൂ വിമാനത്തിൽ അപ്രതീക്ഷിത കുത്തനെ താഴ്ത്തൽ; യാത്രക്കാർക്ക് പരിക്ക്.
എലവേറ്റർ–എയ്‌ലറോൺ കമ്പ്യൂട്ടർ (ELAC-B) യിലെ L104 പതിപ്പാണ് തീവ്ര സൗരവികിരണത്തിൽ തകരാറിലായത്.
ഫ്ലൈറ്റ് കൺട്രോൾ ഡാറ്റ കേടാകാനുള്ള സാധ്യത.
എയർബസ് വിമാനങ്ങൾ ലോകത്ത് 14,500.
ഇന്ത്യയിലെ A320 നിരയിലെ വിമാനങ്ങൾ:
ഇൻഡിഗോ: 350
എയർ ഇന്ത്യ: 120
എയർ ഇന്ത്യ എക്സ്‌പ്രസ്: 40
English Summary
A critical safety flaw detected in Airbus A320 aircraft led to the grounding of around 6,000 flights worldwide. The issue involves a computer malfunction that could cause sudden altitude drops during flight. In India, 338 aircraft of IndiGo, Air India, and Air India Express were affected, causing widespread rescheduling disruptions.
Airbus has fixed the issue in 5,100 aircraft through a software rollback, while 900 older planes require hardware replacement. The EU Aviation Safety Agency ordered the temporary grounding due to the risk of solar radiation interfering with flight-control computers. DGCA directed Indian airlines to complete software updates by early Friday, and most updates were completed overnight.
Airbus-A320-global-grounding
Aviation, Airbus, A320, Flight Safety, DGCA, India, Airlines, Software Update, Global Disruption
