ലക്ഷദ്വീപിൽ സാധനങ്ങൾ എത്തിക്കാൻ ഡ്രോൺ
തിരുവനന്തപുരം: ലക്ഷദ്വീപിലേക്ക് മരുന്നുകളും അവശ്യവസ്തുക്കളും എത്തിക്കുന്നതിനും സൈനിക ആവശ്യങ്ങൾക്കുമായി ഡ്രോണുകൾ വിന്യസിക്കാൻ വ്യോമസേന ഒരുക്കമെടുക്കുന്നു.
ആയുധങ്ങളും വഹിക്കാൻ കഴിവുള്ള ഈ ബഹുഉദ്ദേശ ഡ്രോണുകൾ മിനിക്കോയിലും അഗത്തിയിലുമാണ് പ്രാഥമികമായി വിന്യസിക്കുക.
മിനിക്കോയിൽ പുതിയ വിമാനത്താവളവും അഗത്തിയിലെ വിമാനത്താവളത്തിന്റെ വിപുലീകരണവും നടക്കുമെന്ന് വ്യോമസേനാ ഉപമേധാവി എയർ മാർഷൽ നർമ്മദേശ്വർ തിവാരി അറിയിച്ചു.
ദ്വീപുകളിലാകെ എയർബേസുകൾ സ്ഥാപിക്കുന്നത് പ്രായോഗികമല്ലാത്തതിനാൽ ഡ്രോൺ അടിസ്ഥാനമാക്കിയ കണക്ടിവിറ്റി സംവിധാനമാണ് വികസിപ്പിക്കുന്നത്.
300 കിലോഗ്രാം വരെ പേലോഡ് വഹിച്ച് 500 കിലോമീറ്റർ ദൂരം സഞ്ചരിക്കാവുന്ന ഈ ഡ്രോണുകൾ സ്വകാര്യമേഖലയുടെ സഹകരണത്തോടെ നിർമ്മിക്കപ്പെടും.
ഏകദേശം അഞ്ച് മണിക്കൂർ പറക്കൽ ശേഷിയുള്ള ഈ യന്ത്രങ്ങളിൽ ഉയർന്ന നിലവാരത്തിലുള്ള നിരീക്ഷണ ക്യാമറകളും ഘടിപ്പിക്കും.
ദുരന്തനിവാരണ, റോഡ് പരിശോധന തുടങ്ങിയ ആവശ്യങ്ങൾക്കും ഡ്രോണുകൾ പ്രയോജനപ്പെടുത്താനാകും.
തിരശ്ചീനമായി പറക്കുന്ന വലിയ ചിറകുകളുള്ള മോഡലുകളായിരിക്കും ഇവ.
ഉപഗ്രഹ ആശയവിനിമയ തടസ്സങ്ങളും പ്രതികൂല കാലാവസ്ഥയും വെല്ലുവിളിയാണെങ്കിലും മൂന്നു വർഷത്തിനകം പദ്ധതി നടപ്പാക്കുമെന്നതാണ് ലക്ഷ്യം.
വ്യോമസേനയുമായി നൂറിലധികം സ്റ്റാർട്ടപ്പുകൾ സഹകരിക്കുന്നുണ്ട്.
മിനിക്കോയിലെയും അഗത്തിയിലെയും വിമാനത്താവള പദ്ധതികൾക്ക് കേന്ദ്രസർക്കാർ അംഗീകാരം നൽകി ധനം അനുവദിച്ചു. ഈ പദ്ധതികളുടെ ഏകോപനം ദക്ഷിണ വ്യോമസേനാ ആസ്ഥാനത്താണ്.
സേനക്കും ദ്വീപിനും ഗുണകരം:
ദ്വീപുകളിലെ ആളില്ലാ പ്രദേശങ്ങൾ മനുഷ്യക്കടത്തിനും ലഹരി–ആയുധക്കടത്തിനും ഉപയോഗിക്കപ്പെടാറുണ്ട്.
ഡ്രോൺ സജ്ജീകരണം സൈന്യത്തിന്റെ നിരീക്ഷണ ശേഷി വർധിപ്പിക്കും.
കൊച്ചിയിൽ നിന്ന് ലക്ഷദ്വീപിലേക്ക് പച്ചക്കറി, മരുന്ന്, അവശ്യവസ്തുക്കൾ എന്നിവ ഡ്രോൺ വഴി എത്തിക്കാനാകും.
ദ്വീപുകൾ തമ്മിലുള്ള കണക്ടിവിറ്റിയും മെച്ചപ്പെടും.
മിനിക്കോയും അഗത്തിയും ഉൾപ്പെടുന്ന വിമാനത്താവള വികസനം ദ്വീപ് ടൂറിസത്തിന് വഴിത്തിരിവാകും.
English Summary:
The Indian Air Force is planning to deploy multi-purpose drones in Lakshadweep for delivering medicines, essential goods, and military operations. These drones, capable of carrying 300 kg payloads over 500 km and flying for five hours, will be developed in collaboration with private companies. A new airport will be built in Minicoy, while the Agatti airport will be expanded. The project has received central government approval and funding, with coordination handled by the Southern Air Command in Thiruvananthapuram. The drones will also help curb human trafficking and smuggling across uninhabited islands, improve inter-island connectivity, and support disaster management. The development of air and drone infrastructure is expected to give a major boost to Lakshadweep tourism.
air-force-drones-lakshadweep-connectivity
Indian Air Force, Lakshadweep, Drones, Agatti Airport, Minicoy, Defence News, Kerala, Tourism Development
