കെ സുധാകരന്റെ വിശ്വസ്തന് കോണ്ഗ്രസ് വിട്ടു; ബിജെപിയിലേക്ക്
മുൻ കെപിസിസി പ്രസിഡന്റ് കെ. സുധാകരന്റെ വിശ്വസ്തനായിരുന്ന കോണ്ഗ്രസ് നേതാവ് അഡ്വ. കിഷോര് ബാബു ബിജെപിയില് ചേരുന്നു. കോണ്ഗ്രസ് പാര്ട്ടിയില് നിന്നുള്ള രാജി കിഷോര് ബാബു ഔദ്യോഗികമായി പ്രഖ്യാപിച്ചു.
കെപിസിസി പ്രസിഡന്റ് സണ്ണി ജോസഫിന് രാജിക്കത്ത് കൈമാറിയിട്ടുണ്ട്. രാജീവ് ചന്ദ്രശേഖറിൽ നിന്ന് അദ്ദേഹം ബിജെപി അംഗത്വം സ്വീകരിക്കുമെന്നാണ് വിവരം.
കോണ്ഗ്രസിലെ എല്ലാ ചുമതലകളില് നിന്നും രാജിവെക്കുന്നതായും കിഷോര് ബാബു അറിയിച്ചു. കെപിസിസി ഇന്ഡസ്ട്രീസ് സെല് ചെയര്മാനായിരുന്നു അദ്ദേഹം.
കഴിഞ്ഞ ദിവസങ്ങള് വരെ കോണ്ഗ്രസ് പരിപാടികളില് സജീവമായി പങ്കെടുത്തിരുന്ന കിഷോര് ബാബുവിന്റെ തീരുമാനം പാര്ട്ടിയില് അപ്രതീക്ഷിതമായ സംഭവമായി വിലയിരുത്തപ്പെടുന്നു.
യൂത്ത് കോണ്ഗ്രസ്, കെഎസ്യു എന്നിവയുടെ ആലപ്പുഴ ജില്ലാ നേതൃത്വത്തില് പ്രവര്ത്തിച്ചിരുന്ന നേതാവാണ് അഡ്വ. കിഷോര് ബാബു. 2022ല് കെ. സുധാകരനാണ് അദ്ദേഹത്തെ ഇന്ഡസ്ട്രിയല് സെല് ചെയര്മാനായി നിയമിച്ചത്.
കോണ്ഗ്രസ് വിടാനുള്ള തീരുമാനത്തിന് പിന്നില് കെ. സി. വേണുഗോപാലാണെന്നും, കഴിഞ്ഞ ആഴ്ച നടന്ന ഇന്ഡസ്ട്രിയല് കോണ്ക്ലേവില് വെച്ച് തനിക്ക് അപമാനം നേരിട്ടതായും കിഷോര് ബാബു വ്യക്തമാക്കി.
English Summary
Senior Congress leader Adv. Kishore Babu, a close aide of former KPCC president K. Sudhakaran, has resigned from the Congress party and is set to join the BJP. He submitted his resignation letter to KPCC president Sunny Joseph and will take BJP membership from Rajeev Chandrasekhar. Kishore Babu cited humiliation at a recent industrial conclave and blamed K. C. Venugopal for his decision to quit the party.Senior Congress leader Adv. Kishore Babu, a close aide of former KPCC president K. Sudhakaran, has resigned from the Congress party and is set to join the BJP. He submitted his resignation letter to KPCC president Sunny Joseph and will take BJP membership from Rajeev Chandrasekhar. Kishore Babu cited humiliation at a recent industrial conclave and blamed K. C. Venugopal for his decision to quit the party.
adv-kishore-babu-quits-congress-joins-bjp-kerala
Kishore Babu, Congress, BJP, Kerala politics, KPCC, Sunny Joseph, Rajeev Chandrasekhar, party switch, Alappuzha
