മോഹൻലാൽ ചിത്രമായ ലൂസിഫറിലെ ഗോമതി എന്ന കഥാപാത്രമായി പ്രേക്ഷക മനസിൽ ഇടം നേടിയ താരമാണ് ശ്രീയ രമേശ്. മലയാളത്തിലും തെലുങ്കിലും സീരിയൽ രംഗത്ത് സജീവമാണ് താരം.
ഇപ്പോഴിതാ ഒരു സീരിയൽ ഷൂട്ടിങ്ങിനിടെ സാരിയിൽ തീ പടരുന്ന ദൃശ്യങ്ങൾ പങ്കുവച്ചിരിക്കുകയാണ് ശ്രീയ. ലൊക്കേഷൻ വിഡിയോയാണ് പങ്കുവച്ചത്. ഒരു തെലുങ്ക് സീരിയലിൽ അഭിനയിക്കുന്നതിനിടെയാണ് അപകടമുണ്ടായത്.
ശ്രീയയുടെ സാരിയുടെ തുമ്പത്ത് തീ പടരുന്നതും സാരി ഊരിമാറ്റി പേടിച്ച് നിലവിളിക്കുന്നതും വീഡിയോയിൽ കാണാം. സഹപ്രവർത്തകർ അന്തംവിട്ടു നോക്കിനിൽക്കെ മറ്റൊരു സഹതാരം ഒരു കാർപ്പറ്റ് കൊണ്ട് തീ അണയ്ക്കുകയായിരുന്നു.
തീ അപകടം, തെലുങ്ക് സീരിയൽ എന്നീ ഹാഷ്ടാഗുകളോടെയാണ് ശ്രീയ അപകട വിഡിയോ സോഷ്യൽ മീഡിയയിൽ പങ്കുവച്ചത്.
‘‘ഒരു നടിയുടെ അപകടകരമായ ജീവിതം, തിരശ്ശീലയ്ക്ക് പിന്നിൽ.’’ വിഡിയോയ്ക്കൊപ്പം ശ്രീയ രമേഷ് ഇങ്ങനെയാണ് കുറിച്ചത്. ശ്രീയയുടെ സാരിയുടെ തുമ്പത്ത് തീ പടരുന്നതും സാരി ഊരിമാറ്റി പേടിച്ച് നിലവിളിക്കുന്നതും കാണാം.
സിനിമാ-സീരിയൽ രംഗത്തു സജീവമായ താരമാണ് നടി ശ്രീയ രമേഷ്. സത്യൻ അന്തിക്കാട് സംവിധാനം ചെയ്ത ‘എന്നും എപ്പോഴും’ എന്ന ചിത്രത്തിലൂടെയാണ് ശ്രീയ രമേഷ് സിനിമയിലെത്തിയത്.
മോഹൻലാലിന്റെ ബന്ധുവാണ് ശ്രീയ. അദ്ദേഹം വഴിയാണ് സിനിമയിലേക്ക് എത്തിയത്. കുങ്കുമപൂവ് കണ്ടാണ് ശ്രീയക്ക് അഭിനയത്തോട് താൽപര്യമുണ്ടെന്ന് ലാലേട്ടൻ അറിയുന്നത്.
അങ്ങനെയാണ് എന്നും എപ്പോഴും എന്ന സിനിമയിലേക്ക് എത്തുന്നതും. ഒപ്പം, വികടകുമാരൻ, തുടങ്ങിയ സിനിമകളിലൊക്കെ നല്ല കഥാപാത്രങ്ങളായിരുന്നു.
